રાત્રિભરમાં રાષ્ટ્રિય રાજધાની સહિત એનસીઆરમાં ભારે વરસાદ પડ્યો. આને કારણે રક્ષાબંધનની સવારે ઘણા વિસ્તારો પાણી ભરાઈ ગયા હતા. હવામાન વિભાગે દિવસ દરમિયાન વધુ વરસાદની આગાહી કરી છે. શનિવારે સવારે, ભારતીય હવામાન વિભાગે ઉત્તર, પશ્ચિમ, દક્ષિણ, દક્ષિણ-પૂર્વ અને મધ્ય દિલ્હીના કેટલાક ભાગોમાં વીજળી અને ગાજવીજ સાથે ભારે વરસાદનું રેડ એલર્ટ જારી કર્યું હતું, પરંતુ બાદમાં તેને પીળા એલર્ટમાં ઘટાડી દીધું હતું. હવામાન વિભાગે લોકોને સતર્ક રહેવાની સલાહ આપી છે.
હવામાન વિભાગ દ્વારા શેર કરાયેલા ડેટા અનુસાર, શનિવારે સવારે ૮.૩૦ વાગ્યા સુધી, દિલ્હીના પ્રાથમિક હવામાન મથક સફદરજંગમાં ૭૮.૭ મીમી, પ્રગતિ મેદાનમાં ૧૦૦ મીમી, લોધી રોડ પર ૮૦ મીમી, પુસામાં ૬૯ મીમી અને પાલમમાં ૩૧.૮ મીમી વરસાદ નોંધાયો હતો.શુક્રવારે રાત્રે ૧૧ વાગ્યે શરૂ થયેલા વરસાદથી લોકોને ગરમીથી રાહત મળી. આ દરમિયાન, દિલ્હી-દ્ગઝ્રઇ ના ઘણા ભાગોમાં ભારે વરસાદ પડ્યો. પંચકુઇયા માર્ગ, મથુરા રોડ, શાસ્ત્રી ભવન, આરકે પુરમ, મોતી બાગ, કિદવાઈ નગર અને અન્ય ઘણા વિસ્તારોમાં વરસાદને કારણે ભારે પાણી ભરાયા.
દિલ્હી-એનસીઆરના ઘણા ભાગોમાં વરસાદને કારણે એઈમ્સ નજીક ટ્રાફિક ઠપ થઈ ગયો છે. રાજધાનીમાં ભારે વરસાદ પછી બારાપુલ્લા પુલ પાસે વાહનોની ધીમી ગતિ અને જામ જાવા મળ્યો. મુશળધાર વરસાદ પછી દિલ્હીના ઘણા વિસ્તારોમાં પાણી ભરાયા છે. રક્ષાબંધન પર દિલ્હી એનસીઆરમાં ભારે વરસાદ શહેરના ઘણા ભાગોમાં પાણી ભરાયા છે હવામાન નિષ્ણાતો કહે છે કે ૧૧-૧૨ ઓગસ્ટ, ૨૦૨૫ ના રોજ ઉત્તર પશ્ચિમ બંગાળની ખાડીમાં ચક્રવાતી પરિભ્રમણ બનવાની સંભાવના છે, જે આગામી ૨૪ કલાકમાં મજબૂત બનશે અને દેશના આંતરિક ભાગમાં જશે. આ ચોમાસાના પ્રવાહને દક્ષિણ તરફ ખસેડશે, જેનાથી ચોમાસાની સ્થિતિનો અંત આવશે અને દિલ્હી-એનસીઆરમાં વરસાદ થશે. શનિવારે સવારે તાપમાન ૨૩.૮ ડિગ્રી સેલ્સિયસ નોંધાયું હતું, જે સરેરાશ કરતા ૩.૨ ડિગ્રી ઓછું હતું. તેવી જ રીતે, મહત્તમ તાપમાન ૩૨ ડિગ્રી સેલ્સિયસની આસપાસ રહેવાની ધારણા છે.
દરમિયાન ઉત્તર પ્રદેશના વિવિધ વિસ્તારોમાં ભારે વરસાદ ચાલુ છે. પ્રયાગરાજ, વારાણસી, બદાયૂં, ઉન્નાવ, કાનપુર સહિત રાજ્યના ઉત્તરથી દક્ષિણ સુધીના લગભગ ૨૪ જિલ્લાઓ પૂરની ઝપેટમાં છે. હવામાન વિભાગના જણાવ્યા અનુસાર, એક અઠવાડિયા સુધી વરસાદથી રાહત મળવાની કોઈ આશા નથી.
બંગાળની ખાડીમાં સર્જાયેલા વિક્ષેપ અને ઉત્તર ઓડિશામાં ચક્રવાતી પરિભ્રમણની અસરને કારણે, ૧૧ ઓગસ્ટથી રાજ્યના વિવિધ વિસ્તારોમાં ફરી ભારે વરસાદ શરૂ થવાના સંકેતો છે. શુક્રવારે ગોંડા, બહરાઇચ, લખીમપુર ખીરી, બારાબંકી, અયોધ્યા વગેરેમાં ભારે વરસાદ જાવા મળ્યો. ગોંડામાં સૌથી વધુ ૨૧૦ મીમી વરસાદ નોંધાયો હતો. તે જ સમયે, અયોધ્યામાં ૧૭૦ મીમી, બહરાઇચ અને સુલતાનપુરમાં ૧૬૦ મીમી વરસાદ પડ્યો. પશ્ચિમ યુપીમાં ૯ અને ૧૦ ઓગસ્ટે સારા વરસાદની શક્યાતા છે. શનિવારે રાજ્યના ૩૦ જિલ્લાઓમાં ભારે વરસાદની ચેતવણી આપવામાં આવી છે. તે જ સમયે, ૪૦ જિલ્લાઓમાં ગાજવીજ સાથે વીજળી પડવાની સંભાવના છે. જે જીલ્લામાં ભારે વરસાદની સંભાવના છે તેમાંબાંદા, ચિત્રકૂટ, ફતેહપુર, લખીમપુર ખીરી, ફર્રુખાબાદ, કટરોજ, કાનપુર દેહાત, કાનપુર નગર, ઉન્નાવ, સહારનપુર, શામલી, મુઝફ્ફરનગર, મથુરા, હાથરસ, કાસગંજ, એટાહ, આગ્રા, ફિરોઝાબાદ, મૈનપુરી, ઇટાવા, ઔરૈયા, બિજનૌર, મુરાદાબાદ, રામપુર, બરેલી, પીલીભીત, શાહજહાંપુર, બદાયૂં, મહોબા, લલિતપુર અને આસપાસના વિસ્તારોનો સમાવેશ થાય છે
પ્રાદેશિક હવામાન કેન્દ્ર લખનૌના વરિષ્ઠ વૈજ્ઞાનિક અતુલ કુમાર સિંહે જણાવ્યું હતું કે ઉત્તરી પંજાબમાં રચાયેલા નવા પશ્ચિમી વિક્ષેપની અસરને કારણે, ચોમાસાનો વરસાદ ફરીથી વેગ પકડશે. ઉત્તરી પંજાબમાં પશ્ચિમી વિક્ષેપ યુપી તરફ આગળ વધી રહ્યો છે અને અરબી સમુદ્રમાંથી પૂરતા પ્રમાણમાં ભેજ લાવી રહ્યો છે.
સપા પ્રમુખ અખિલેશ યાદવે કહ્યું છે કે પૂરને કારણે રાજ્યમાં અરાજકતા છે અને ૨૨ જિલ્લાઓમાં સ્થિતિ ખૂબ જ ખરાબ છે. ગંગા, યમુના, રાપ્તી, સરયુ, ઘાઘરા નદીઓ છલકાઈ રહી છે. પૂરની ઝપેટમાં ઘણા લોકોએ જીવ પણ ગુમાવ્યા છે. મુખ્ય રસ્તાઓથી કપાયેલા વિસ્તારોમાં લોકો સમસ્યાઓનો સામનો કરી રહ્યા છે. પ્રાણીઓની સ્થિતિ વધુ ખરાબ છે. સરકાર કોઈ વ્યવસ્થા કરતી ન હોવાનો આરોપ લગાવ્યો છે.
