સંયુક્ત આરબ અમીરાતમાં મંકીપોક્સના વધુ ત્રણ કેસ નોંધાયા છે. યુએઈના આરોગ્ય મંત્રાલયે સોમવારે જણાવ્યું હતું. મંકીપોક્સનો પહેલો કેસ લગભગ એક અઠવાડિયા પહેલા સામે આવ્યો હતો. મંકીપોક્સનો પહેલો કેસ મળ્યાના એક સપ્તાહ બાદ હવે યુએઈમાં આ વાયરસના વધુ ત્રણ કેસ નોંધાયા છે. જો કે, મંત્રાલયે ચેપગ્રસ્ત લોકો વિશે કોઈ માહિતી જોહેર કરી નથી. મંકીપોક્સનો પહેલો ચેપ યુએઈમાં પશ્ચિમ આફ્રિકાથી આવેલી ૨૯ વર્ષની મહિલામાં જોવા મળ્યો હતો.ઘણા દેશોના લોકો યુએઈમાં રહે છે અને કામ કરે છે, તેથી યુએઈમાં ચેપનો ફેલાવો વિશ્વના ઘણા દેશોના રહેવાસીઓ માટે ખતરો બની શકે છે.
આ પહેલા રવિવારે ડબ્લ્યુએચઓએ કહ્યું હતું કે ઘણા દેશોમાં મંકીપોક્સના એક સાથે કેસ જોવા મળ્યા છે જ્યાં આ રોગ સામાન્ય રીતે જોવા મળતો નથી. આ સૂચવે છે કે મંકીપોક્સ વાઈરસ ફેલાઈ રહ્યો છે અને ત્યાં વણતપાસાયેલ ટ્રાન્સમિશન છે. ડબ્લ્યુએચઓએ એક નિવેદનમાં જણાવ્યું હતું કે ૨૬ મે સુધીમાં, કુલ ૨૫૭ પુષ્ટિ થયેલા કેસો અને ૧૨૦ શંકાસ્પદ કેસ ૨૩ સભ્ય દેશોમાંથી નોંધાયા છે જે વાયરસ માટે સ્થાનિક નથી. એજન્સીએ કહ્યું કે તેને શંકા છે કે સ્થાનિક અને બિન-સ્થાનિક દેશોમાં દેખરેખ વધુ કેસ તરફ દોરી જશે.
બ્લૂમબર્ગ નિષ્ણાત સેમ ફાઝેલીએ જણાવ્યું કે પ્રકૃતિમાં અસંખ્ય વાયરસ છે. આ તેમાંથી એક છે. તે ચિકનપોક્સ અને શીતળા જેવા ઓર્થોપોક્સ વાયરસ છે. મંકીપોક્સ મૃત્યુદરની દ્રષ્ટિએ શીતળા કરતાં ઓછું જોખમી છે. આ વાયરસ મુખ્યત્વે પશ્ચિમ આફ્રિકામાં ફેલાતો વાયરસ હોવાનું જણાય છે. પરંતુ તે અસામાન્ય છે કે આ વાયરસ એક જ સમયે ઘણા દેશોમાં નોંધવામાં આવે છે. ૨૦૦૩માં અમેરિકામાં મંકીપોક્સના ૭૧ કેસ નોંધાયા હતા.