યશસ્વી જયસ્વાલ હાલમાં ઇંગ્લેન્ડમાં છે, જ્યાં ભારત અને ઇંગ્લેન્ડ વચ્ચે ટેસ્ટ શ્રેણી રમાઈ રહી છે. યશસ્વી જયસ્વાલે શ્રેણીની પહેલી મેચમાં સદી ફટકારી હતી, પરંતુ તે પોતાની ટીમને જીત અપાવવામાં સફળ રહ્યો ન હતો. દરમિયાન, કેટલાક સમયથી, જયસ્વાલ પોતાની ટીમ બદલવાના અહેવાલો પણ હતા. એવા સમાચાર હતા કે જયસ્વાલ પોતાની ઘરેલુ ટીમ બદલવા જઈ રહ્યો છે. તેને ર્દ્ગંઝ્ર પણ મળી ગયું હતું, પરંતુ હવે એવું લાગે છે કે તેણે પોતાનો વિચાર બદલી નાખ્યો છે.
યશસ્વી જયસ્વાલ હાલ માટે મુંબઈ માટે ઘરેલુ ક્રિકેટ રમવાનું ચાલુ રાખશે. અગાઉ એવા સમાચાર આવ્યા હતા કે જયસ્વાલે ગોવા માટે મુંબઈ પાસેથી એનઓસી માંગ્યું હતું, જે તેને મળ્યું પણ હતું. હવે ક્રિકબઝ તરફથી જાણવા મળ્યું છે કે ૩૦ જૂન, સોમવારના રોજ મુંબઈ ક્રિકેટ એસોસિએશને તેમની વાપસીને મંજૂરી આપી દીધી છે.એમસીએ તરફથી એક નિવેદનમાં કહેવામાં આવ્યું છે કે જયસ્વાલ આગામી સિઝનમાં મુંબઈ માટે ઘરેલુ સિઝન રમવા માટે ઉપલબ્ધ રહેશે.
જયસ્વાલની કારકિર્દી હજુ બહુ મોટી નથી. તેમણે મુંબઈ માટે ૧૦ રણજી ટ્રોફી મેચોમાં ૮૬૩ રન બનાવ્યા છે. આમાં તેમની સરેરાશ ૫૩.૯૩ રહી છે. જયસ્વાલ અત્યાર સુધીમાં ચાર સદી ફટકારવામાં સફળ રહ્યા છે. લિસ્ટ એ ક્રિકેટની વાત કરીએ તો, તેણે ૨૫ ઇનિંગ્સમાં ૧૨૯૬ રન બનાવ્યા છે. ત્યાં તેની સરેરાશ ૫૮ ની નજીક છે. તેણે આ ફોર્મેટમાં પાંચ સદી ફટકારી છે.
જયસ્વાલ જ્યારે ઇચ્છે ત્યારે ઘરેલુ ક્રિકેટ રમશે, પરંતુ આ દરમિયાન બધાની નજર ઇંગ્લેન્ડ શ્રેણી પર છે. યશસ્વી જયસ્વાલ ફરી એકવાર ઓપનિંગ કરતો જાવા મળી રહ્યો છે. તે સારી બેટિંગ કરી રહ્યો છે, પરંતુ તેને કેચ પકડવામાં મુશ્કેલી પડી રહી છે. છેલ્લી મેચમાં જ તેણે ત્રણથી ચાર કેચ છોડ્યા હતા, જે કોઈક રીતે ભારતીય ટીમની હારનું કારણ બન્યા હતા. હવે જાવાનું એ રહેશે કે જયસ્વાલે પહેલી મેચમાંથી કંઈ શીખ્યું છે કે નહીં.
