અમેરિકા અને બ્રિટને લાલ સમુદ્રમાં વેપારી જહાજાને નિશાન બનાવતા હુથી બળવાખોરો સામે મોટી કાર્યવાહી કરી છે. વાસ્તવમાં, બંને દેશોની સેનાઓએ યમનમાં ઘણી જગ્યાએ હુથી વિદ્રોહીઓના સ્થાનો પર હવાઈ હુમલા કર્યા છે. આ હવાઈ હુમલાઓમાં હુથી બળવાખોરોને ભારે નુકસાન થયું છે અને તેમના ઘણા ઠેકાણાઓ નાશ પામ્યા છે. બ્રિટન પર અમેરિકાના હુમલા બાદ પશ્ચિમ એશિયામાં તણાવ વધુ વધી શકે છે.
વ્હાઇટ હાઉસે એક નિવેદન જારી કરીને ઈરાન સમર્થિત હુથી વિદ્રોહીઓ પર હુમલાની પુષ્ટિ કરી છે. નોંધનીય છે કે ઈઝરાયેલ-હમાસ યુદ્ધ બાદ હુથી વિદ્રોહીઓ પેલેસ્ટાઈનોના સમર્થનમાં લાલ સમુદ્ર વિસ્તારમાં કોમર્શિયલ જહાજાને નિશાન બનાવી રહ્યા હતા. આનાથી આંતરરાષ્ટિય શિપિંગ માર્ગોની સુરક્ષાને અસર થઈ રહી હતી. યુએસ નેવીએ પણ ઘણી વખત હુથી વિદ્રોહીઓના હુમલાને નિષ્ફળ બનાવ્યા હતા. અમેરિકાએ ચેતવણી પણ આપી હતી કે જા હુમલા રોકવામાં નહીં આવે તો તેના ગંભીર પરિણામો આવશે. અમેરિકાએ આંતરરાષ્ટિય શિપિંગ માર્ગોની સુરક્ષા માટે પણ દેખરેખ વધારી દીધી છે. હુથી બળવાખોરો અને ચાંચિયાઓના હુમલાને નિષ્ફળ બનાવવા માટે ભારતે અરબી સમુદ્ર અને લાલ સમુદ્રમાં તેના પાંચ યુદ્ધ જહાજા પણ તૈનાત કર્યા છે.
વ્હાઇટ હાઉસે એક નિવેદન જારી કરીને કહ્યું હતું કે ‘લાલ સમુદ્રમાં વેપારી જહાજા પર થયેલા હુમલા બાદ ગત મહિને અમેરિકાએ ૨૦થી વધુ દેશો સાથે મળીને વેપારી જહાજાને હુથી બળવાખોરોના હુમલાઓથી બચાવવા માટે ‘ઓપરેશન પ્રોસ્પેરિટી ગાર્ડિયન’ શરૂ કર્યું હતું. ગયા અઠવાડિયે, ૧૩ સહયોગી દેશો સાથે, અમે હુથી બળવાખોરોને ચેતવણી આપી હતી અને કહ્યું હતું કે જા તેઓ વેપારી જહાજા પર હુમલા બંધ નહીં કરે તો ગંભીર પરિણામો આવશે. હુથી બળવાખોરો સામે આજના હવાઈ હુમલા એ સ્પષ્ટ સંદેશ છે કે અમેરિકા અને તેના સાથી દેશો વિશ્વના સૌથી મહત્વપૂર્ણ શિપિંગ વ્યાપારી માર્ગ પર નેવિગેશનની સ્વતંત્રતા સાથે સમાધાન કરશે નહીં.
હુથી બળવાખોરોને ઈરાનનું સમર્થન માનવામાં આવે છે. ઇઝરાયેલ-હમાસ યુદ્ધથી, હુથી બળવાખોરો લાલ સમુદ્ર અને અરબી સમુદ્રમાં આંતરરાષ્ટિય શિપિંગ માર્ગોમાંથી પસાર થતા જહાજા પર ડ્રોન અને મિસાઇલ હુમલાઓ કરી રહ્યા છે. જેના કારણે આંતરરાષ્ટિય શિપિંગ રૂટ ખોરવાઈ રહ્યો હતો. મીડિયા અહેવાલો અનુસાર, હુથી વિદ્રોહીઓના હુમલાને કારણે, છેલ્લા કેટલાક મહિનામાં લાલ સમુદ્રમાંથી લગભગ ઇં૨૦૦ બિલિયનનો વેપાર ઠપ થઈ ગયો છે. જેના કારણે વિશ્વમાં મોંઘવારી વધવાની દહેશત છે. જા કે અમેરિકાના હવાઈ હુમલા બાદ ઈઝરાયેલ-હમાસ યુદ્ધના કારણે પહેલેથી જ તણાવનો સામનો કરી રહેલા પશ્ચિમ એશિયામાં વધુ તણાવનો ભય છે.
