અમરેલી જિલ્લા પોલીસ અધિક્ષકની સૂચના મુજબ દારૂ અને જુગાર જેવી બદીઓ ડામવા માટે એલ.સી.બી. પી.આઈ. સી.પી. વાઘેલાની ટીમે વડીયા તાલુકાના મોટી કુંકાવાવ ગામે સફળ કામગીરી કરી છે. પોલીસને મળેલી ચોક્કસ બાતમીના આધારે ઘનશ્યામનગર વિસ્તારમાં દરોડો પાડવામાં આવ્યો હતો જ્યાં જાહેરમાં તીનપત્તીનો જુગાર રમતા સામતભાઇ રાઠોડ, પ્રતાપભાઇ રાઠોડ અને ફુલાભાઇ માવલીયાને રંગેહાથ ઝડપી લેવામાં આવ્યા હતા.
આ કાર્યવાહી દરમિયાન પોલીસે સ્થળ પરથી ૨૬,૮૧૦ની રોકડ રકમ અને ગંજીપત્તા સહિતનો તમામ મુદ્દામાલ કબજે કર્યો છે. પકડાયેલા ત્રણેય શખ્સો વિરુદ્ધ જુગાર ધારા હેઠળ ગુનો નોંધી આગળની તપાસ માટે તમામ મુદ્દામાલ સાથે તેમને વડીયા પોલીસ સ્ટેશને સોંપવામાં આવ્યા છે.
