મેઘાલયમાં તેમના હનીમૂન દરમિયાન ઇન્દોરના રાજા રઘુવંશીના હત્યા કેસમાં એક મોટો ખુલાસો થયો છે. પોલીસે જણાવ્યું હતું કે તેમની પત્ની સોનમ રઘુવંશી રાજાની હત્યામાં સામેલ હતી. તેમણે ભાડે રાખેલા હત્યારાઓને ફોન કર્યા હતા. ડીજીપી નોંગરાંગે આ કેસનો ખુલાસો કરતા કહ્યું હતું કે હત્યાના સંદર્ભમાં તેમની પત્ની સહિત ચાર લોકોની ધરપકડ કરવામાં આવી છે.
મેઘાલયના મુખ્યમંત્રી કોનરાડ સંગમાએ ‘એકસ’ પર લખ્યું હતું કે, રાજા હત્યા કેસમાં પોલીસને સાત દિવસમાં મોટી સફળતા મળી છે. મધ્યપ્રદેશના ત્રણ હુમલાખોરોની ધરપકડ કરવામાં આવી છે. મહિલાએ આત્મસમર્પણ કર્યું છે. બીજા હુમલાખોરને પકડવાની કાર્યવાહી હજુ પણ ચાલુ છે.
અગાઉ, ડીજીપી આઈ નોંગરાંગે સોમવારે સવારે જણાવ્યું હતું કે મેઘાલયમાં તેમના હનીમૂન દરમિયાન તેમની પત્ની દ્વારા ભાડે રાખવામાં આવેલા લોકો દ્વારા ઇન્દોરના પ્રવાસી રાજા રઘુવંશીની હત્યા કરવામાં આવી હતી. તેમણે કહ્યું કે પત્ની સોનમ ઉત્તર પ્રદેશના ગાઝીપુરમાં પોલીસ સમક્ષ આત્મસમર્પણ કરી ચૂકી છે, જ્યારે રાતોરાત દરોડામાં ત્રણ અન્ય હુમલાખોરોની ધરપકડ કરવામાં આવી છે. બેને ઇન્દોર (મધ્ય પ્રદેશ) અને એકને લલિતપુર (ઉત્તર પ્રદેશ)માંથી ધરપકડ કરવામાં આવી છે.
તેમણે કહ્યું કે એક વ્યક્તિને ઉત્તર પ્રદેશમાંથી પકડવામાં આવ્યો હતો, જ્યારે બે અન્ય આરોપીઓને એસઆઇટી દ્વારા ઇન્દોરથી પકડવામાં આવ્યા હતા. તેમણે કહ્યું કે સોનમે ઉત્તર પ્રદેશના નંદગંજ પોલીસ સ્ટેશનમાં આત્મસમર્પણ કર્યું હતું અને બાદમાં તેની ધરપકડ કરવામાં આવી હતી. નોંગરાંગે કહ્યું કે ધરપકડ કરાયેલા લોકોએ ખુલાસો કર્યો છે કે પત્નીએ તેમને રઘુવંશીની હત્યા કરવા માટે ભાડે રાખ્યા હતા. ગુનામાં સામેલ કેટલાક વધુ લોકોને પકડવા માટે મધ્ય પ્રદેશમાં હજુ પણ કાર્યવાહી ચાલુ છે.
અગાઉ, મધ્ય પ્રદેશના ઇન્દોરથી હનીમૂન માટે મેઘાલય આવેલા એક દંપતીના ગુમ થવાનો મામલો લાંબા સમયથી સમાચારમાં હતો. ૨૩ મેના રોજ જ્યારે દંપતી ગુમ થયું ત્યારે એવું માનવામાં આવતું હતું કે મેઘાલયના સોહરા વિસ્તારમાં ગાઢ જંગલો અને ઓછી વસ્તીને કારણે પતિ-પત્નીનો પત્તો લાગી શક્યો ન હતો. આ પછી, મામલો જટિલ બન્યો. ગુમ થયેલા યુવકનો મૃતદેહ ૨ જૂન (સોમવાર) ના રોજ ૧૫૦ ફૂટ ઊંડા ખાડામાંથી મળી આવ્યો હતો.
રાજાનો મૃતદેહ મળ્યા બાદ આ ઇન્દોર દંપતીના ગુમ થવાનો મામલો વધુ જટિલ બન્યો. હકીકતમાં, ભારે વરસાદ વચ્ચે, મેઘાલય પોલીસને ડ્રોન દ્વારા રાજાનો મૃતદેહ મળ્યો. તેનો મૃતદેહ ખરાબ રીતે સડી ગયો હતો અને ચહેરો ઓળખી શકાયો ન હતો. પરિવારે ટેટૂ દ્વારા મૃતદેહની ઓળખ કરી હતી. જાકે, રાજાના મૃતદેહની આસપાસ શોધખોળ કર્યા પછી પણ સોનમ મળી શકી ન હતી. એટલું જ નહીં, રાજાનો મૃતદેહ વોઇસાડોંગ નામના સ્થળેથી મળી આવ્યો હતો.એસડીઆરએફ, સ્પેશિયલ ઓપરેશન ટીમ અને એક પર્વતારોહણ ક્લબ પણ આ શોધ કામગીરીમાં સામેલ હતા. વોઇસાડોંગમાં જ્યાં લાશ મળી આવી તે જગ્યા રાજા અને સોનમ દ્વારા ભાડે લેવામાં આવેલી સ્કૂટીના સ્થાનથી ૨૫ કિલોમીટર દૂર છે. આ અંતરે કેસમાં શંકા વધારી. તેના મૃતદેહની નજીક ન તો તેનો મોબાઇલ, ન તો તેનું પર્સ, ન તો રાજા દ્વારા પહેરવામાં આવેલી સોનાની ચેન અને વીંટી મળી આવી. તેના કાંડા પર ફક્ત તેની સ્માર્ટવોચ બાંધેલી મળી આવી હતી.
અગાઉ, આ કેસમાં એક મહત્વપૂર્ણ ખુલાસો થયો હતો. ખરેખર, એક ટુરિસ્ટ ગાઇડે દાવો કર્યો હતો કે જે દિવસે આ દંપતી ગુમ થયું હતું, તે દિવસે ત્રણ અન્ય યુવાનો પણ તેમની સાથે હતા. આ દંપતી ૨૩ મેના રોજ ગુમ થયું હતું. રાજાનો મૃતદેહ ૨ જૂનના રોજ એક ઊંડા ખાડામાંથી મળી આવ્યો હતો.
માવલાખિયાત ગાઇડ આલ્બર્ટ પેડે જણાવ્યું હતું કે તેણે ૨૩ મેના રોજ સવારે ૧૦ વાગ્યાની આસપાસ નોંગરિયાતથી માવલાખિયાત સુધી ૩,૦૦૦ થી વધુ સીડીઓ ચઢતા ત્રણ પુરુષ પ્રવાસીઓ સાથે દંપતીને જાયું હતું. આલ્બર્ટે કહ્યું હતું કે તે ઇન્દોર દંપતીને ઓળખે છે કારણ કે તેઓએ એક દિવસ પહેલા નોંગરિયાત સુધી ચઢવા માટે તેમની સેવાઓ ઓફર કરી હતી પરંતુ તેઓએ ઇનકાર કર્યો હતો અને બીજા ગાઇડને રાખ્યા હતા.
તેમણે કહ્યું હતું કે ચાર પુરુષો આગળ ચાલી રહ્યા હતા જ્યારે મહિલા પાછળ હતી. ચારેય માણસો હિન્દીમાં વાત કરી રહ્યા હતા પણ મને સમજાયું નહીં કે તેઓ શું કહી રહ્યા છે કારણ કે મને ફક્ત ખાસી અને અંગ્રેજી જ ખબર છે. તેણે કહ્યું કે તેમણે શિપ્રા હોમસ્ટેમાં રાત વિતાવી અને બીજા દિવસે ગાઇડ વિના પાછા ફર્યા. આલ્બર્ટે દાવો કર્યો હતો કે જ્યારે હું માવલાખિયાત પહોંચ્યો ત્યારે તેમનું સ્કૂટર ત્યાં નહોતું. ઇન્દોર દંપતીનું ભાડે લીધેલું સ્કૂટર માવલાખિયાતના પા‹કગથી ઘણા કિલોમીટર દૂર સોહરારિમમાં મળી આવ્યું હતું, જેમાં ચાવીઓ હતી. રાજાનો મૃતદેહ મળ્યા પછી ઇન્દોરના આ દંપતીના ગુમ થવાનો મામલો વધુ જટિલ બન્યો. હકીકતમાં, ભારે વરસાદ વચ્ચે, મેઘાલય પોલીસને ડ્રોન દ્વારા રાજાનો મૃતદેહ મળ્યો. તેનો મૃતદેહ ખરાબ રીતે સડી ગયો હતો અને ચહેરો ઓળખી શકાયો ન હતો. પરિવારે ટેટૂ દ્વારા મૃતદેહની ઓળખ કરી. જોકે, રાજાના મૃતદેહની આસપાસ શોધખોળ કર્યા પછી પણ સોનમ મળી ન હતી. પરિવારે કહ્યું કે જો સોનમ સુરક્ષિત હોત, તો તે પોતે કોઈનો સંપર્ક કરી શકત, પરંતુ તેનો કોઈ પત્તો નથી.આટલું જ નહીં, રાજાનો મૃતદેહ વોઈસાડોંગ નામના સ્થળેથી મળી આવ્યો હતો. દરમિયાન, તપાસકર્તાઓ દંપતી દ્વારા પરિવારને કરવામાં આવેલા ફોન કોલ દ્વારા કેસમાં પુરાવા એકત્ર કરવાનો પ્રયાસ કરી રહ્યા હતા. આ ફોન કોલમાં, સોનમને પહેલા રાજાની માતા સાથે વાત કરતા સાંભળવામાં આવી હતી. આ પછી, રાજાએ પોતે પણ તેની માતા સાથે વાત કરી હતી. આ કોલમાં, સોનમે જણાવ્યું હતું કે રાજા તેમને એક ગાઢ જંગલમાં લાવ્યો છે, જ્યાં એક ઢાળવાળી ચઢાણ છે. આ કોલમાં, સોનમ ભારે શ્વાસ લઈ રહી હતી, જેના કારણે એવું માનવામાં આવે છે કે તે બંને ઊંચા સ્થાને પહોંચી ગયા હતા. બીજી તરફ, રાજાએ કહ્યું હતું કે તેણે એક જગ્યાએ કોફી પીધી હતી, પરંતુ તેણે તેને ફેંકી દીધી કારણ કે તેને તે ગમતું ન હતું અને હવે તે કેળા ખાઈ રહ્યો છે. તે પછી તે પાછો આવશે. છેલ્લી વાતચીત તે દિવસે બપોરે ૧ઃ૪૩ વાગ્યે થઈ હતી જે દિવસે તે ગુમ થયો હતો.
પોલીસે સોમવારે ખુલાસો કર્યો હતો કે રાજા રઘુવંશીની હત્યા તેમની પત્ની દ્વારા મેઘાલયમાં તેમના હનીમૂન દરમિયાન ભાડે રાખેલા લોકોએ કરી હતી. ડીજીપી આઈ નોંગરાંગે જણાવ્યું હતું કે પત્ની સોનમ ઉત્તર પ્રદેશના ગાઝીપુરમાં પોલીસ સમક્ષ આત્મસમર્પણ કર્યું હતું, જ્યારે રાતોરાત દરોડામાં ત્રણ અન્ય હુમલાખોરોની ધરપકડ કરવામાં આવી હતી. તેમણે કહ્યું હતું કે, ‘એક વ્યક્તિને ઉત્તર પ્રદેશમાંથી પકડવામાં આવ્યો હતો, જ્યારે બે અન્ય આરોપીઓને એસઆઈટીએ ઇન્દોરથી પકડ્યા હતા.’ તેમણે કહ્યું હતું કે, ‘સોનમે ઉત્તર પ્રદેશના નંદગંજ પોલીસ સ્ટેશનમાં આત્મસમર્પણ કર્યું હતું અને બાદમાં તેની ધરપકડ કરવામાં આવી હતી.’
