ટી ૨૦ વર્લ્ડ કપ ૨૦૨૧માં ભારતીય ક્રિકેટ ટીમની સફર પૂરી થતાની સાથે જ મુખ્ય કોચ રવિ શા†ીનો કોચ તરીકેનો કાર્યકાળ પણ સમાપ્ત થઈ ગયો. શાસ્ત્રીએ ટૂર્નામેન્ટની શરૂઆત પહેલા જોહેરાત કરી હતી કે તેઓ હવે ટીમ ઈંડિયાના કોચ તરીકે તેમનો કાર્યકાળ વધારવા માંગતા નથી. શાસ્ત્રી ની જગ્યાએ રાહુલ દ્રવિડને ટીમ ઈંડિયાના મુખ્ય કોચ તરીકે નિયુક્ત કરવામાં આવ્યા છે. પાકિસ્તાનના પૂર્વ ફાસ્ટ બોલર વસીમ અકરમે શાસ્ત્રીના જવા પર ઈમોશનલ પોસ્ટ લખી છે. તેમણે વિરાટ કોહલીની કેપ્ટનશિપ પર પણ પોતાનો અભિપ્રાય આપ્યો. ટી૨૦ કેપ્ટન તરીકે કોહલીની છેલ્લી મેચ વર્લ્ડ કપ ૨૦૨૧માં નામિબિયા સામે હતી.
અકરમે સોશિયલ મીડિયા એપ ‘ર્કુ પર લખ્યું, ‘ટી-૨૦ કેપ્ટન તરીકે વિરાટ કોહલી જેવા ચેમ્પિયનને શાનદાર વિદાય. સારા પ્રદર્શનનો શ્રેય નામિબિયાને પણ જોય છે. પરંતુ મારું દિલ મારા મિત્ર રવિ શાસ્ત્રી સાથે છે. વેલ્ડન, કોમેન્ટ્રી બોક્સ પર પાછા આવ, મિત્ર.
અકરમે પાછળથી એક શો દરમિયાન ભારતીય ટીમના મુખ્ય કોચ તરીકે શાસ્ત્રી ના ચાર વર્ષના કાર્યકાળની પ્રશંસા કરી. તેણે એમ પણ કહ્યું કે શાસ્ત્રી માટે કોમેન્ટ્રી બોક્સમાં પરત ફરવાના દરવાજો ખુલ્લા છે. એવા અહેવાલો છે કે શાસ્ત્રી નવી આઇપીએલ ટીમ અમદાવાદ ફ્રેન્ચાઈઝી સાથે કામ કરી શકે છે. તેમણે કહ્યું, ‘મારો સારો મિત્ર, શાઝી. કોચ તરીકે આ તમારી છેલ્લી ટૂર્નામેન્ટ હતી અને મને લાગે છે કે તમે છેલ્લા ત્રણ વર્ષમાં શાનદાર કામ કર્યું છે. અમે તેના વિશે અગાઉ વાત કરી હતી. મને લાગે છે કે તે તેજસ્વી હતો.
