અભિનેત્રી દીપિકા પાદુકોણ હાલમાં માતૃત્વની સફર માણી રહી છે. દીપિકા ગયા મહિને જ માતા બની હતી. ૮ સપ્ટેમ્બર, ૨૦૨૪ ના રોજ, તેણે એક પુત્રીને જન્મ આપ્યો. દીપિકા પાદુકોણ એ અભિનેત્રીઓમાંથી એક છે જે પોતાની પ્રેગ્નન્સી દરમિયાન પણ એક્ટિવ રહી હતી. આ સમયગાળા દરમિયાન, તેણીએ માત્ર ફિલ્મો જ નહીં પરંતુ કાર્યક્રમોમાં હાજરી પણ આપી. ‘કલીક ૨૮૯૮ એડી’ની ઈવેન્ટમાં દીપિકાની સ્ટાઈલ બધાએ જોઈ. હવે, જ્યારે અભિનેત્રી માતા બની ગઈ છે, ત્યારે ચાહકો રાહ જોઈ રહ્યા છે કે દીપિકા જાહેર સમારોહમાં ક્યારે હાજરી આપશે? તો ચાહકોની રાહ હવે પૂરી થવા જઈ રહી છે.
રિપોર્ટ્સમાં દાવો કરવામાં આવી રહ્યો છે કે દીપિકા પાદુકોણ ફિલ્મ ‘સિંઘમ અગેન’ના ટ્રેલર લોન્ચ ઈવેન્ટમાં ભાગ લેશે. આ ફિલ્મના ટ્રેલરને મોટા પાયે લોન્ચ કરવાની તૈયારીઓ શરૂ થઈ ગઈ છે. આ ઈવેન્ટ માટે ઘણી સેલિબ્રિટીઝને આમંત્રિત કરવામાં આવી રહી છે. દીપિકા પણ તેમાંથી એક છે. જોકે, દીપિકા પણ આ ફિલ્મનો એક ભાગ છે. જો દીપિકા આ ઈવેન્ટમાં આવે છે, તો તે તેની બાળકીના જન્મ પછી તેની પ્રથમ હાજરી હશે.
રોહિત શેટ્ટીની ફિલ્મ ‘સિંઘમ અગેન’ આ વર્ષે દિવાળીના અવસર પર ધમાકેદાર રહેશે. કહેવામાં આવી રહ્યું છે કે ‘સિંઘમ અગેન’નું ટ્રેલર ૭ ઓક્ટોબરે રિલીઝ થવા જઈ રહ્યું છે. રોહિત શેટ્ટી ફિલ્મ ‘સિંઘમ અગેન’નું ટ્રેલર ભવ્ય સ્કેલ પર લોન્ચ કરવા જઈ રહ્યો છે. કહેવામાં આવી રહ્યું છે કે દીપિકા પાદુકોણ ‘સિંઘમ અગેન’ના ટ્રેલર લોન્ચમાં ગ્રાન્ડ એન્ટ્રી કરવા જઈ રહી છે.
રિપોર્ટ્સમાં એવો પણ દાવો કરવામાં આવી રહ્યો છે કે રોહિત શેટ્ટીની ટીમે ટ્રેલર લોન્ચ ઈવેન્ટ માટે નીતા મુકેશ અંબાણી કલ્ચરલ સેન્ટરને હાયર કર્યું છે. મુંબઈના આ મોટા ઓડિટોરિયમમાં લગભગ ૨૦૦૦ પત્રકારો અને ચાહકો માટે બેઠક વ્યવસ્થા કરવામાં આવશે. સિંઘમ અગેઈનના ટ્રેલર લોન્ચની આ ઈવેન્ટમાં અક્ષય કુમાર, ટાઈગર શ્રોફ, કરીના કપૂર ખાન, અજય દેવગન અને રણવીર સિંહ જેવા સ્ટાર્સ જોવા મળશે.
ફિલ્મ ‘સિંઘમ અગેન’માં અજય દેવગન અને દીપિકા પાદુકોણ ઉપરાંત રણવીર સિંહ, કરીના કપૂર, અર્જુન કપૂર, ટાઈગર શ્રોફ અને જેકી શ્રોફ જેવા સ્ટાર્સ જોવા મળશે. ફિલ્મ ‘સિંઘમ અગેન’ બોક્સ ઓફિસ પર ‘ભૂલ ભુલૈયા ૩’ને ટક્કર આપવા જઈ રહી છે. કાર્તિક આર્યનની ફિલ્મ પણ દિવાળીના અવસર પર સ્ક્રીન પર આવશે.
