મહારાષ્ટ્રના નાસિકમાં એક દુઃખદ અકસ્માતમાં નવ લોકોના મોત થયા છે. અહેવાલો અનુસાર, નાસિકના ડિંડોરી તાલુકામાં એક કાર કુવામાં પડી ગઈ, જેમાં નવ લોકોના મોત થયા. પ્રાથમિક માહિતી અનુસાર, બધા મૃતકો દરગોડે પરિવારના સભ્યો હોવાનું કહેવાય છે. આ ઘટના રાત્રે ૧૦ વાગ્યાની આસપાસ બની.
અકસ્માતમાં ભોગ બનેલા લોકોની ઓળખ થઈ ગઈ છે. મૃતકોમાં રેશ્મા સુનીલ દરગુડે (૨૭), આશા અનિલ દરગુડે (૩૨), ખુશી/શ્રૃષ્ટિ અનિલ દરગુડે (૧૪), શ્રેયસ અનિલ દરગુડે (૧૧), રાખી/ગુણવંતી સુનીલ દરગુડે, શ્રાવણી અનિલ દરગુડે (૧૧), સમૃદ્ધિ રાજેન્દ્ર દરગુડે (૭), માધુરી અનિલ દરગુડે (૧૩) અને સુનીલ દત્તુ દરગુડે (૩૨)નો સમાવેશ થાય છે. બધા મૃતકો નાસિક જિલ્લાના તાલુકા ડિંડોરી, ઇન્દોરના રહેવાસી હતા. સ્થાનિક નાગરિકોની મદદથી, વાહન અને તમામ મૃતદેહોને કૂવામાંથી બહાર કાઢીને ડિંડોરીની સરકારી હોસ્પિટલમાં લઈ જવામાં આવ્યા હતા. પોલીસે કેસ નોંધ્યો છે.
દરગુડે પરિવાર એક કાર્યક્રમમાં હાજરી આપીને ઘરે પરત ફરી રહ્યો હતો. કાર્યક્રમમાંથી પરત ફરતી વખતે, ડ્રાઇવરે અચાનક વાહન પરનો કાબુ ગુમાવ્યો અને કાર સીધી કૂવામાં પડી ગઈ. એક જ પરિવારના આટલા બધા સભ્યોના મૃત્યુથી ગામ અને આસપાસના વિસ્તારોમાં શોકની લહેર ફેલાઈ ગઈ. આ ભયાનક અકસ્માતમાં મૃત્યુ પામેલાઓમાં સાત વર્ષની છોકરી સહિત છ બાળકોનો પણ સમાવેશ થાય છે. સુનીલ દરગુડે, તેમની પત્ની અને તેમની પુત્રીનું પણ આ અકસ્માતમાં મૃત્યુ થયું.
ડિંડોરી પોલીસ ઇન્સ્પેક્ટરે જણાવ્યું હતું કે, “રાત્રે ૧૦ વાગ્યાની આસપાસ, અમને માહિતી મળી હતી કે ડિંડોરી ગામના શિવાજી નગર વિસ્તારમાં એક મારુતિ ઠન્૬ કાર પલટી ગઈ છે અને આશુ રાજેના કૂવામાં ડૂબી ગઈ છે. અમને વધુમાં માહિતી મળી હતી કે કારની અંદર આઠથી નવ લોકો હતા અને તેમને તાત્કાલિક સહાયની જરૂર હતી. આ માહિતીના આધારે, અમે તાત્કાલિક અમારા પોલીસ સ્ટાફ સાથે ઘટનાસ્થળે પહોંચ્યા. અમે બે હાઇડ્રા ક્રેન અને કુશળ તરવૈયાઓને કૂવામાં બોલાવ્યા. ક્રેનની મદદથી, રાત્રે ૧૨ઃ૧૫ વાગ્યે બધા લોકોને બચાવી લેવામાં આવ્યા.”
