દેશમાં છેલ્લા ૧૧ વર્ષથી અઘોષિત કટોકટી લાદવામાં આવી છે, કોંગ્રેસનો કેન્દ્ર સરકાર પર આકરો હુમલો
કોંગ્રેસે બુધવારે કેન્દ્ર સરકાર પર આકરો હુમલો કર્યો અને આરોપ લગાવ્યો કે છેલ્લા ૧૧ વર્ષથી દેશમાં અઘોષિત કટોકટી લાદવામાં આવી છે. ભારતીય લોકશાહી પર વ્યવસ્થિત અને ખતરનાક રીતે પાંચ ગણા વધુ હુમલા થઈ રહ્યા છે, જેને અઘોષિત કટોકટી કહેવું યોગ્ય રહેશે. કોંગ્રેસે દાવો કર્યો હતો કે દેશમાં બેલગામ નફરતભર્યા ભાષણો આપવામાં આવી રહ્યા છે અને નાગરિક અધિકારોને દબાવવામાં આવી રહ્યા છે.
કોંગ્રેસના મહાસચિવ જયરામ રમેશે એક નિવેદન જારી કરીને કહ્યું કે ‘સરકારના ટીકાકારોને બદનામ કરવામાં આવી રહ્યા છે. સત્તામાં રહેલા લોકો દ્વારા નફરત અને ધર્માંધતા ફેલાવવામાં આવી રહી છે. વિરોધ કરી રહેલા ખેડૂતોને ખાલિસ્તાની તરીકે લેબલ કરવામાં આવી રહ્યા છે અને જાતિગત વસ્તી ગણતરીની માંગ કરનારાઓને શહેરી નક્સલ કહેવામાં આવી રહ્યા છે.’ જયરામ રમેશે કહ્યું કે ‘મહાત્મા ગાંધીના હત્યારાઓનો મહિમા કરવામાં આવી રહ્યો છે, લઘુમતીઓ ભયમાં જીવી રહ્યા છે, દલિતો અને અન્ય હાંસિયામાં ધકેલાઈ ગયેલા વર્ગોને નિશાન બનાવવામાં આવી રહ્યા છે, મંત્રીઓ નફરતભર્યા ભાષણો આપી રહ્યા છે અને તેના માટે પુરસ્કાર આપવામાં આવી રહ્યા છે.’ જાહેરાત
કોંગ્રેસનું આ નિવેદન એવા સમયે આવ્યું છે જ્યારે કેન્દ્ર સરકાર ‘સંવિધાન હત્યા દિવસ’ ઉજવી રહી છે. આજે દેશમાં કટોકટી લાદ્યાને ૫૦ વર્ષ થઈ ગયા છે. ૧૯૭૫માં ઈન્દીરા ગાંધીએ દેશમાં કટોકટી લાદી હતી. ભાજપના રાષ્ટÙીય પ્રવક્તા પ્રદીપ ભંડારીએ કહ્યું, ‘કોંગ્રેસ પાર્ટીએ દેશમાં કટોકટી લાદવા બદલ સત્તાવાર રીતે માફી માંગી નથી. જા સરમુખત્યાર ગાંધી-વાદ્ર પરિવારમાં થોડું પણ લોકશાહી મૂલ્ય બચ્યું હોય, તો તેમણે ૫૦ વર્ષ પહેલાં કટોકટી લાદવા બદલ દેશના લોકોની માફી માંગવી જાઈએ. ગાંધી-વાદ્ર પરિવારે આ દેશના બંધારણની હત્યા કરી, લોકશાહીનો અંત લાવ્યો અને મૂળભૂત અધિકારો છીનવી લીધા. આ બધું પોતાની સત્તા બચાવવા માટે કરવામાં આવ્યું હતું.’
શિવસેના (યુબીટી) ના સાંસદ સંજય રાઉતે કહ્યું કે ‘ઈન્દીરા ગાંધીએ તે સમયે બંધારણનો સંપૂર્ણ આદર કરતી વખતે કટોકટી લાદી હતી. લોકશાહીમાં કટોકટી બંધારણીય રીતે માન્ય છે, તેથી તમે તેને સંવિધાન હત્યા દિવસ તરીકે ન માની શકો. ઇન્દીરા ગાંધી ચાલાકીથી, પૈસાનો ઉપયોગ કરીને ચૂંટણી જીતી શક્્યા હોત, પરંતુ ઇન્દીરા ગાંધીએ એવું ન કર્યું. ઇન્દીરાજી લોકશાહીના ચોકીદાર હતા. છેલ્લા ૧૧ વર્ષથી દેશમાં અઘોષિત કટોકટી છે.’
વરિષ્ઠ સમાજવાદી પાર્ટીના નેતા રાજેન્દ્ર ચૌધરીએ કહ્યું કે ‘જ્યારે કટોકટી લાદવામાં આવી અને તે પછીનો સંઘર્ષ બીજા સ્વતંત્રતા સંગ્રામ બન્યો. હું પણ એક રાજકીય કાર્યકર છું અને તે સંઘર્ષમાં સક્રિય હતો, મેં તે જાયું. દેશની સ્થિતિ ભયંકર હતી, કોઈ બોલી કે લખી શકતું ન હતું. પ્રેસ પર સંપૂર્ણ સેન્સરશીપ હતી. વર્તમાન પરિસ્થિતિ પાછલી પરિસ્થિતિ જેવી જ છે. આજે અઘોષિત કટોકટી છે, અભિવ્યક્તિની સ્વતંત્રતા સંપૂર્ણ નથી. જે કોઈ સરકાર વિરુદ્ધ બોલે છે તેના પર કેસ ચલાવવામાં આવે છે, બનાવટી કેસ દાખલ કરવામાં આવે છે અને તેની ધરપકડ કરવામાં આવે છે. આજે પણ સાચી રાજકીય સ્વતંત્રતાનો અભાવ છે. સ્વતંત્રતા ચળવળ દરમિયાન સ્થાપિત મૂલ્યો અને ભારતની સ્વતંત્રતાના ઉદ્દેશ્યનો અનાદર કરવામાં આવે છે.’
