મહારાષ્ટ્રના મુખ્યમંત્રી દેવેન્દ્ર ફડણવીસે બિન-મરાઠી ઓટો-ટેક્સી ડ્રાઇવરો માટે મરાઠી ભાષા ફરજિયાત બનાવવા અંગે નિવેદન બહાર પાડ્યું છે. તેમણે સ્પષ્ટપણે કહ્યું હતું કે ડ્રાઇવરોને મરાઠી આવડવી જાઈએ, પરંતુ કોઈને પણ ભાષા પર દબાણ કરવું યોગ્ય નથી. સરકાર આવા પ્રયાસોને સહન કરશે નહીં. તેમણે વધુમાં કહ્યું હતું કે જે ઓટો-ટેક્સી ડ્રાઇવરો મરાઠી નથી જાણતા તેમને શીખવવું જાઈએ.
શિવસેના (એકનાથ શિંદે) ના નેતા અને પરિવહન મંત્રી પ્રતાપ સરનાઈકે જણાવ્યું હતું કે ઓટો-ટેક્સી અને એપ-આધારિત સેવાઓ (ઓલા, ઉબેર, ઈ-બાઈક ટેક્સી) ના બિન-મરાઠી ડ્રાઇવરો માટે મરાઠી ફરજિયાત છે. તેમણે એમ પણ કહ્યું હતું કે ૧ મેથી એક પરીક્ષણ લેવામાં આવશે, અને જે લોકો ભાષા જાણતા નથી તેમના લાઇસન્સ રદ કરવામાં આવશે.
આ નિર્ણયના વિરોધીઓ અને સમર્થકો હવે સામસામે આવી ગયા છે. શિંદે સેનાના નેતા અને ભૂતપૂર્વ સાંસદ સંજય નિરુપમ તેમની પોતાની સરકારનો વિરોધ કરી રહ્યા છે. તેમણે પરિવહન મંત્રીને પત્ર લખીને પોતાની નારાજગી વ્યક્ત કરી છે. પરિવહન મંત્રીએ આવતા અઠવાડિયે આ સંદર્ભમાં એક બેઠક બોલાવી છે. નિરુપમે દહિસરના ગણપત પાટિલ નગરમાં ઓટો-ટેક્સી ડ્રાઇવરો સાથે મુલાકાત કરી અને તેમને સરકાર સમક્ષ તેમની ચિંતાઓ ઉઠાવવાની ખાતરી આપી. જાકે, રાજ ઠાકરેની મહારાષ્ટ્ર નવસેના નિર્માણે પણ સંજય નિરુપમ સામે વિરોધ કર્યો અને તેમના વિરુદ્ધ સૂત્રોચ્ચાર કર્યા. અંતે, પોલીસે દરમિયાનગીરી કરીને કોઈક રીતે પરિસ્થિતિને કાબુમાં લેવી પડી.
મુખ્યમંત્રી દેવેન્દ્ર ફડણવીસે નાગપુરમાં પત્રકારોને જણાવ્યું હતું કે મહારાષ્ટ્ર અથવા મુંબઈમાં મરાઠીને પ્રાથમિકતા આપવી ખોટું નથી. મરાઠી ન જાણતા ઓટો-ટેક્સી ડ્રાઇવરોને શીખવવામાં આવશે. જાકે, મરાઠીના નામે બળજબરી યોગ્ય નથી. અમારી સરકાર આવું થવા દેશે નહીં.
દેવેન્દ્ર ફડણવીસે એમ પણ કહ્યું હતું કે શિવસેનાના ધારાસભ્ય સંજય ગાયકવાડે શિવાજી મહારાજ પરના પુસ્તકના પ્રકાશક સામે જે ભાષાનો ઉપયોગ કર્યો છે તે અસ્વીકાર્ય છે. તેમણે ભારપૂર્વક જણાવ્યું હતું કે દરેક વ્યક્તિ મરાઠા શાસકનું સન્માન કરે છે. ગાયકવાડે મરાઠી પુસ્તકમાં છત્રપતિ શિવાજી મહારાજનો પ્રથમ નામથી ઉલ્લેખ કરવા સામે વાંધો ઉઠાવ્યો હતો, કોલ્હાપુર સ્થિત પ્રકાશક પ્રશાંત અંબીને ફોન પર ધમકી આપી હતી, જેનાથી વિવાદ થયો હતો. આ પુસ્તક મૂળ રૂપે ભારતીય કમ્યુનિસ્ટ પાર્ટીના દિવંગત નેતા ગોવિંદ પાનસરે દ્વારા લખાયું હતું અને ૧૯૮૮ માં પ્રકાશિત થયું હતું.
ફડણવીસે ત્ર્યંબકેશ્વરમાં જણાવ્યું હતું કે ૪૦ વર્ષ પહેલાં પ્રકાશિત થયેલા પુસ્તક પર વિવાદ ઉભો કરવો યોગ્ય નથી. આવી અપમાનજનક ભાષાનો ઉપયોગ પણ અસ્વીકાર્ય છે. તેમણે ઉમેર્યું હતું કે (નાયબ મુખ્યમંત્રી અને શિવસેના પ્રમુખ) એકનાથ શિંદે આ મામલે ગાયકવાડને યોગ્ય સૂચનાઓ આપશે. પ્રકાશકે આરોપ લગાવ્યો હતો કે ગાયકવાડે “શિવાજી કૌન હોતા” (શિવાજી કોણ હતા) પુસ્તક અંગે જાનથી મારી નાખવાની ધમકીઓ આપી હતી અને અપશબ્દોનો ઉપયોગ કર્યો હતો.
ગાયકવાડે ફોન પર વાતચીત દરમિયાન પ્રકાશકની જીભ “કાપી નાખવાની” ધમકી આપી હતી, જેનાથી વિવાદ થયો હતો. ગાયકવાડે પાછળથી દિલગીરી વ્યક્ત કરી, પરંતુ એમ પણ કહ્યું કે પ્રકાશન દ્વારા મરાઠા સમ્રાટને આદરપૂર્વક સંબોધિત કરવા જાઈતું હતું. “પ્રકાશક વિરુદ્ધ મેં કરેલી કોઈપણ અપમાનજનક ટિપ્પણી બદલ મને ખેદ છે,” તેમણે કહ્યું. તેમણે દાવો કર્યો હતો કે પુસ્તકમાં એવા ઉદાહરણો છે જ્યાં શિવાજીનો અપમાનજનક રીતે ઉલ્લેખ કરવામાં આવ્યો હતો.
