ભુજબળ ઓબીસી ક્વોટામાં મરાઠાઓ માટે અનામતનો વિરોધ કરી રહ્યા છે
મરાઠા અનામતનો વિરોધ કરનારા મહારાષ્ટ્ર સરકારના મંત્રી છગન ભુજબળની નારાજગી વધી ગઈ છે.ઓબીસી નેતા ભુજબળ બુધવારે કેબિનેટ બેઠક અધવચ્ચે છોડી ગયા. તમને જણાવી દઈએ કે મરાઠા અનામત અંગે મહારાષ્ટ્ર સરકારે લાયક મરાઠાઓને કુણબી જાતિ પ્રમાણપત્ર આપવાની માંગ સ્વીકારી લીધી છે. જ્યારે ભુજબળ ઓબીસી ક્વોટામાં મરાઠાઓને આપવામાં આવતી અનામતનો વિરોધ કરી રહ્યા છે.
છગન ભુજબળે ઓબીસી નેતાઓની એક કટોકટી બેઠક બોલાવી છે, જે બાંદ્રા સ્થિત તેમના કાર્યાલયમાં યોજાશે. બીજી તરફ, સરકારે ઓબીસી સમુદાયના રોષને દૂર કરવા માટે એક સમિતિની રચના કરી છે. મનોજ જરંગેએ સરકારના આ પગલાને પોતાનો વિજય ગણાવ્યો. તેમણે પોતાની ભૂખ હડતાળ સમાપ્ત કરી છે. ભુજબળ સરકારના આ નિર્ણયથી નારાજ હોવાનું કહેવાય છે.
છગન ભુજબળે કહ્યું હતું કે તેઓ સરકાર દ્વારા જારી કરાયેલા પ્રસ્તાવનો અભ્યાસ કરી રહ્યા છે જેમાં મરાઠા સમુદાયના તે લોકોને કુણબી જાતિ પ્રમાણપત્ર આપવાની જાગવાઈ છે જેમની પાસે સંબંધિત દસ્તાવેજા છે. ભુજબળ ઓબીસી ક્વોટામાં મરાઠાઓ માટે અનામતનો વિરોધ કરી રહ્યા છે.નાગરિક પુરવઠા અને ગ્રાહક સુરક્ષા મંત્રીએ કહ્યું કે, હું અને મારી ટીમ આ પ્રસ્તાવની ઊંડાણપૂર્વક તપાસ કરી રહ્યા છીએ અને કાયદાકીય નિષ્ણાતો સાથે પણ સલાહ લઈ રહ્યા છીએ. વિગતવાર અભ્યાસ કર્યા પછી, હું આ મુદ્દા પર મારા મંતવ્યો વ્યક્ત કરીશ. મંગળવારે મોડી સાંજે હૈદરાબાદ ગેઝેટ પર એક આદેશ જારી કર્યો હતો અને એવા મરાઠાઓને કુણબી જાતિ પ્રમાણપત્ર જારી કરવામાં મદદ કરવા માટે એક સમિતિની રચનાની જાહેરાત કરી હતી જેઓ પોતાને કુણબી તરીકે ઓળખાવતા દસ્તાવેજી પુરાવા રજૂ કરી શકે છે. કુણબી દરજ્જા મળવાથી મરાઠા સમુદાયના સભ્યોમ્ઝ્ર અનામતનો દાવો કરવા માટે લાયક બનશે, જે મનોજ જરંગેની મુખ્ય માંગ છે.
નાગપુરમાં, મુખ્યમંત્રી દેવેન્દ્ર ફડણવીસે મંગળવારે જરંગેના ઉપવાસ સમાપ્ત કરવાના પગલાની પ્રશંસા કરી અને કહ્યું કે સરકારે મરાઠા સમુદાયના હિતમાં ઉકેલ શોધી કાઢ્યો છે. ફડણવીસે કહ્યું કે તેમની સરકારે હંમેશા મરાઠા સમુદાયના કલ્યાણ પર ધ્યાન કેન્દ્રિત કર્યું છે. તેમણે કહ્યું, અમે એક રસ્તો શોધી કાઢ્યો છે અને હૈદરાબાદ ગેઝેટિયર લાગુ કરવાની તેમની સૌથી મહત્વપૂર્ણ માંગણી સ્વીકારી છે. અમને તેના વિશે કોઈ શંકા નથી. તેમની માંગ હતી કે તે બધા મરાઠાઓ માટે લાગુ કરવામાં આવે, પરંતુ અમે તેમને સમજાવવાનો પ્રયાસ કર્યો કે અનામત કોઈ જૂથ માટે નથી પરંતુ વ્યક્તિગત ધોરણે છે, તેથી આવો નિર્ણય લઈ શકાય નહીં કારણ કે તેના માટે પુરાવાની જરૂર છે. હૈદરાબાદ ગેઝેટિયર પુરાવા તરીકે મદદરૂપ સાબિત થશે.
