ભાજપના નેતા લોકેટ ચેટર્જીએ આરોપ લગાવ્યો હતો કે ટીએમસી મતદાર યાદીના એસઆઈઆરનો વિરોધ કરી રહી છે કારણ કે તેને “ગેરકાયદેસર રીતે” બાંગ્લાદેશથી સરહદ પાર કરીને પશ્ચિમ બંગાળમાં સ્થાયી થયેલા અને દસ્તાવેજા મેળવનારા “ગેરકાયદેસર મતદારો” ગુમાવવાનો ડર છે. બિહાર ચૂંટણી ૨૦૨૫ પર પ્રતિક્રિયા આપતા, લોકેટ ચેટર્જીએ કહ્યું કે બિહાર ચૂંટણીઓએ દર્શાવ્યું કે મતદાર યાદી શુદ્ધિકરણ માટે એસઆઈઆર કેટલું જરૂરી છે. એસઆઈઆર ખાતરી કરે છે કે ફક્ત સાચા મતદારો જ મતદાન કરે.લોકેટ ચેટર્જીએ દાવો કર્યો હતો કે સ્ઝ્ર બિહાર વિધાનસભા ચૂંટણીના પરિણામોથી “ડરેલી” છે અને હવે પશ્ચિમ બંગાળમાં “નિકટવર્તી હાર” અનુભવી રહી છે. અત્યાર સુધીમાં, એસઆઈઆર હેઠળ પશ્ચિમ બંગાળમાં ૩.૪ મિલિયન મૃત મતદારોના નામ દૂર કરવામાં આવ્યા છે. કોઈ કલ્પના પણ કરી શકતું નથી કે નકલી દસ્તાવેજાનો ઉપયોગ કરીને મૃત લોકોના નામે મતદાન કરવામાં આવ્યું હશે.ભાજપ નેતા લોકેટ ચેટર્જીએ દાવો કર્યો હતો કે, “એવું શક્ય છે કે આ મતો તૃણમૂલ કોંગ્રેસની જીતમાં ફાળો આપી રહ્યા છે. મમતા બેનર્જી અને અભિષેક બેનર્જી ગભરાઈ રહ્યા છે કારણ કે તેઓ જાણે છે કે તેમનો ખેલ સમાપ્ત થવાનો છે.લોકેટ ચેટર્જીના મતે, તાજેતરના વર્ષોમાં ભાજપ અને તૃણમૂલ કોંગ્રેસ વચ્ચે મતભાગનો તફાવત ઓછો થયો છે. એકવાર ફક્ત “કાયદેસર મતદારો” મતદાન કરશે, ત્યારે ભાજપ નિર્ણાયક લીડ મેળવશે. તમે કદાચ નોંધ્યું હશે કે તાજેતરના દિવસોમાં બાંગ્લાદેશી અને રોહિંગ્યા રહેતા હતા તે વસાહતો ખાલી થઈ રહી છે.
