સુપ્રીમ કોર્ટમાં મથુરામાં શ્રી કૃષ્ણ જન્મભૂમિ વિવાદ અંગે દાખલ કરાયેલી અરજીઓ પર સુનાવણી મુલતવી રાખવામાં આવી છે. આગામી સુનાવણી ૧ એપ્રિલથી શરૂ થશે. કૃષ્ણ જન્મભૂમિ સર્વેક્ષણ કેસ પરનો સ્ટે આગામી સુનાવણી સુધી ચાલુ રહેશે. તમને જણાવી દઈએ કે મુસ્મલી પક્ષ તરફથી સુપ્રીમ કોર્ટમાં ઘણી અરજીઓ દાખલ કરવામાં આવી છે. આમાં વિવાદિત સ્થળ પર સર્વે કરવાની પરવાનગીને પડકારતી અરજીઓ અને નીચલી અદાલતમાં પેન્ડીંગ તમામ કેસોને સુનાવણી માટે હાઇકોર્ટમાં ટ્રાન્સફર કરવાનો સમાવેશ થાય છે.
સુપ્રીમ કોર્ટે મથુરામાં શાહી ઇદગાહ મસ્દજી સંકુલના કોર્ટ-નિરીક્ષણ હેઠળ સર્વેક્ષણને મંજૂરી આપતા અલ્હાબાદ હાઇકોર્ટના આદેશ પરનો સ્ટે લંબાવ્યો હતો. આ સંકુલ કૃષ્ણ જન્મભૂમિ મંદિરની બાજુમાં આવેલું છે, જે હિન્દુઓ માટે મહત્વપૂર્ણ ધાર્મિક મહત્વ ધરાવે છે. મુખ્ય ન્યાયાધીશ સંજીવ ખન્ના અને ન્યાયાધીશ સંજય કુમાર અને કેવી વિશ્વનાથનની બેન્ચે જણાવ્યું હતું કે તે મસ્દજી પરિસરના કોર્ટ-નિરીક્ષણ હેઠળના સર્વે સામે ટ્રસ્ટ શાહી મસ્દજી ઇદગાહ મેનેજમેન્ટ કમિટીની અરજી પર ૨૫ એપ્રિલથી શરૂ થતા અઠવાડિયા સુધી સુનાવણી મુલતવી રાખશે.
બેન્ચે કહ્યું કે આ દરમિયાન, શાહી ઇદગાહ મસ્દજી સંકુલના કોર્ટ-નિરીક્ષણ હેઠળના સર્વેક્ષણ પર સ્ટે આપતો અલ્હાબાદ હાઇકોર્ટનો વચગાળાનો આદેશ ચાલુ રહેશે. ગયા વર્ષે ૧૬ જાન્યુઆરીએ સર્વોચ્ચ અદાલતે સૌપ્રથમ હાઈકોર્ટના ૧૪ ડિસેમ્બર, ૨૦૨૩ના આદેશના અમલીકરણ પર રોક લગાવી હતી. હાઈકોર્ટે શાહી ઈદગાહ મસ્દજી સંકુલના કોર્ટ-નિરીક્ષણ હેઠળ સર્વેક્ષણની મંજૂરી આપી હતી અને તેની દેખરેખ માટે કોર્ટ કમિશનરની નિમણૂક માટે સંમતિ આપી હતી.
હિન્દુ પક્ષનો દાવો છે કે સંકુલમાં એવા ચિહ્નો છે જે દર્શાવે છે કે આ સ્થળે એક સમયે મંદિર હતું. હિન્દુ પક્ષકારો તરફથી હાજર રહેલા એડવોકેટ વિષ્ણુ શંકર જૈને કહ્યું હતું કે મસ્દજી સમિતિની અપીલ હાઇકોર્ટના ૧૪ ડિસેમ્બર, ૨૦૨૩ના આદેશ સામે દાખલ કરવામાં આવી હતી અને કેસ સંબંધિત આદેશો નિરર્થક બની ગયા છે.
