હિંસાગ્રસ્ત મણિપુરમાં બે મહિલાઓને નગ્ન અવસ્થામાં રસ્તા પર ઉતારી તેમની સાથે યૌન શોષણ કરવાની ઘટનાએ બધાને પરેશાન કરી દીધા છે. આ ઘટના રાજધાની ઇમ્ફાલથી લગભગ ૩૫ કિલોમીટર દૂર કાંગપોકપી જિલ્લામાં ૪ મેના રોજ બની હતી. તેનો વીડિયો બુધવારે સોશિયલ મીડિયા પર વાયરલ થયો હતો. આ ઘટનાના વિરોધમાં રાજ્યમાં અલગ-અલગ સ્થળોએ વિરોધ પ્રદર્શન પણ શરૂ થયા છે. ગુરુવારે ચુડાચંદપુરમાં ભીડે વિરોધ કરવાનું શરૂ કર્યું. કાળા કપડા પહેરીને હજારો લોકો એકઠા થયા છે. તેઓ સૂત્રોચ્ચાર સાથે આરોપીઓની ધરપકડની માંગ કરી રહ્યા છે.
મણિપુર પોલીસે ગુરુવારે જણાવ્યું કે ૨૬ સેકન્ડના વાયરલ ફૂટેજમાં દેખાતા એક વ્યક્તિની થૌબલ જિલ્લામાંથી ધરપકડ કરવામાં આવી છે. બાકીની શોધખોળ ચાલી રહી છે. અધિકારીઓના જણાવ્યા અનુસાર, આ વ્યકટી ઘટનાનો માસ્ટરમાઈન્ડ હોવાનું માનવામાં આવે છે. પોલીસ તેની સાથે તેના સાથીદારો અંગે પૂછપરછ કરી રહી છે. હ્રદયસ્પર્શી વીડિયો સામે આવ્યા બાદ મણિપુરના મુખ્યમંત્રી એન બિરેન સિંહે લોકોને ખાતરી આપી હતી કે આ જઘન્ય અપરાધમાં સામેલ તમામ ગુનેગારો સામે કડક કાર્યવાહી કરવામાં આવશે. તેને ફાંસીની સજા અપાવવામાં કોઈ કસર બાકી રાખવામાં આવશે નહીં. મુખ્યમંત્રીએ કહ્યું કે ઘટનાની તપાસ કરવા અને ઝડપી ન્યાય સુનિશ્ચિત કરવા માટે અનેક પોલીસ એકમોની રચના કરવામાં આવી છે.
બિરેન સિંહે ગુરુવારે ટ્વીટ કર્યું, “મારું હૃદય તે બે મહિલાઓને જાઈને ઉમટી પડે છે. તેમની સાથે અત્યંત અપમાનજનક અને અમાનવીય કૃત્ય કરવામાં આવ્યું હતું.” આ મામલાની ઝીણવટભરી તપાસ ચાલી રહી છે. પીડિતોને ન્યાય અપાવવામાં કોઈ કસર બાકી રાખવામાં આવશે નહીં.
આ મામલે પીએમ મોદીએ કહ્યું, ‘મારું દિલ આજે દુઃખ અને ગુસ્સાથી ભરેલું છે. આ ઘટના કોઈપણ સંસ્કારી સમાજ માટે શરમજનક ઘટના છે. મણિપુરની દીકરીઓ સાથે જે થયું તે ક્યારેય માફ કરી શકાય નહીં. આ અપમાન આખા દેશનું થઈ રહ્યું છે.
તેમણે કહ્યું- ‘હું તમામ મુખ્યમંત્રીઓને કહું છું કે કાયદો અને વ્યવસ્થા મજબૂત કરો. માતાઓ અને બહેનોની સુરક્ષા માટે કડક પગલાં લો. ભારતના કોઈપણ ખૂણે કે કોઈપણ રાજ્યમાં, રાજકીય વાદ-વિવાદ, કાયદો અને વ્યવસ્થા અને બહેનોના સન્માનથી ઉપર ઊઠીને પ્રાથમિકતા છે.
આ મામલે સુપ્રીમ કોર્ટે કહ્યું કે અમે વીડિયો જાઈને ખૂબ જ પરેશાન છીએ. અમે સરકારને પગલાં લેવા માટે સમય આપીએ છીએ. જા ત્યાં કંઈ નહીં થાય, તો અમે પગલાં લઈશું. સુપ્રીમ કોર્ટે કેન્દ્ર અને મણિપુર સરકારને પૂછ્યું છે કે તમે ગુનેગારો વિરુદ્ધ કાર્યવાહી કરવા માટે શું પગલાં લીધાં છે. સીજેઆઇએ કહ્યું કે સાંપ્રદાયિક સંઘર્ષ દરમિયાન મહિલાઓનો એક સાધન તરીકે ઉપયોગ ક્યારેય સ્વીકારી શકાય નહીં. આ બંધારણનું સૌથી ઘૃણાસ્પદ અપમાન છે. આ કેસની આગામી સુનાવણી શુક્રવારે થશે.
