મણિપુરમાં વંશીય હિંસાને બે વર્ષથી વધુ સમય વીતી ગયો છે, પરંતુ ઉત્તરપૂર્વીય રાજ્યમાં હજુ સુધી સંપૂર્ણ શાંતિ પુનઃસ્થાપિત થઈ નથી. સરકારે શાંતિ સ્થાપિત કરવા માટે અનેક પ્રયાસો કર્યા છે, પરંતુ ઘણા સંગઠનો રાજ્યના વિભાજનની હિમાયત કરી રહ્યા છે. દરમિયાન, મેઘાલયના મુખ્યમંત્રી અને એનપીપી પ્રમુખ કોનરાડ સંગમાએ મણિપુરના રાજ્યપાલ અજય કુમાર ભલ્લાને મળ્યા અને રાજ્યમાં શાંતિ પ્રયાસો અંગે ચર્ચા કરી.રાજ્યપાલને મળ્યા બાદ મીડિયા સાથે વાત કરતા કોનરાડ સંગમાએ કહ્યું, “અમે સંપૂર્ણપણે સ્પષ્ટ છીએ કે મણિપુરની પ્રાદેશિક અખંડિતતા જાળવી રાખવી જાઈએ, અને અમારો પક્ષ મણિપુરના વિભાજનના પક્ષમાં નથી. અમારું માનવું છે કે સર્વસંમતિ થઈ શકે છે, અને આ ફક્ત વાતચીત દ્વારા જ શક્્ય છે. મણિપુરમાં વંશીય હિંસા ઘણા સમયથી ચાલી રહી છે, અને આગળ વધવાનો માર્ગ શોધવાની જવાબદારી બધા નેતાઓની છે.
સંગમાએ કહ્યું, “હું ગઈકાલે મણિપુરના રાજ્યપાલને મળ્યો હતો. અમે વિવિધ સંગઠનો તરફથી મળેલા સૂચનો પર ચર્ચા કરી હતી. અમે મણિપુર સરકાર અને ભારત સરકાર સામાન્યતા પુનઃસ્થાપિત કરવા માટે શું કરી શકે છે તેની પણ ચર્ચા કરી હતી. ચર્ચા સકારાત્મક હતી. નેશનલ પીપલ્સ પાર્ટી દ્વારા આપવામાં આવેલા સૂચનોનું સ્વાગત કરવામાં આવ્યું હતું.”
કોનરાડ સંગમાએ મણિપુરની બે દિવસની મુલાકાત લીધી અને વિવિધ સંગઠનોના સભ્યો, વિસ્થાપિત લોકો અને પીડિતોના પરિવારો સાથે મુલાકાત કરી. કોંગ્રેસે સંગમાની મણિપુર મુલાકાત પર આકરા પ્રહારો કર્યા. કોંગ્રેસે આરોપ લગાવ્યો કે એનપીપી મણિપુરમાં રાજકીય અને સામાજિક અસ્થિરતાને વેગ આપી રહી છે. સંગમાની મુલાકાત પર નિશાન સાધતા કોંગ્રેસે આરોપ લગાવ્યો કે સંગમા રાજ્યમાં એનડીએનો પ્રભાવ વધારવાનું કામ કરી રહ્યા છે. કોંગ્રેસે આરોપ લગાવ્યો કે ભાજપ અને એનપીપી રાજ્યમાં શાંતિ અને એકતા જાળવવામાં નિષ્ફળ રહ્યા છે.
મણિપુરમાં મે ૨૦૨૩ માં શરૂ થયેલી વંશીય હિંસામાં ૨૬૦ થી વધુ લોકો માર્યા ગયા અને હજારો લોકો વિસ્થાપિત થયા. હિંસાને કારણે મુખ્યમંત્રી એન. બિરેન સિંહને રાજીનામું આપવાની ફરજ પડી, અને રાજ્ય હાલમાં રાષ્ટÙપતિ શાસન હેઠળ છે.
