કર્નલ સોફિયા કુરેશી વિરુદ્ધ વિવાદાસ્પદ ટિપ્પણી કરવા બદલ રાજ્ય સરકારના મંત્રી વિજય શાહથી પૂર્વ મુખ્યમંત્રી અને ભાજપ નેતા ઉમા ભારતી ખૂબ જ ગુસ્સે દેખાઈ રહ્યા હતા. તેમણે કહ્યું કે મંત્રી વિજય શાહે કર્નલ સોફિયા કુરેશી વિરુદ્ધ વિવાદાસ્પદ ટિપ્પણી કરીને સમગ્ર દેશને શરમજનક બનાવ્યો છે. તેમને તાત્કાલિક મંત્રીમંડળમાંથી બરતરફ કરવા જાઈએ.
ઉમા ભારતીએ સોશિયલ મીડિયા પ્લેટફોર્મ એકસ પર એક પોસ્ટમાં કહ્યું, “વિજય શાહને મંત્રી પદ પરથી બરતરફ કરવા જાઈએ અને તેમની સામે તાત્કાલિક એફઆઇઆર દાખલ કરવી જાઈએ કારણ કે તેમણે સમગ્ર દેશને શરમજનક બનાવ્યો છે.” મધ્યપ્રદેશ હાઈકોર્ટે શાહ વિરુદ્ધ એફઆઇઆર નોંધવાનો આદેશ આપ્યા પછી, ભારતી શાહ વિરુદ્ધ કડક કાર્યવાહીની માંગ કરનાર પ્રથમ નેતા છે.
અગાઉના દિવસે, હાઈકોર્ટે કર્નલ સોફિયા વિરુદ્ધ “ખતરનાક” અને “અપમાનજનક” ટિપ્પણીઓ કરવા અને “ગટર ભાષા” વાપરવા બદલ મંત્રી વિજય શાહને ઠપકો આપ્યો હતો અને પોલીસને દુશ્મનાવટ અને નફરતને પ્રોત્સાહન આપવા બદલ તેમની સામે એફઆઇઆર નોંધવાનો આદેશ આપ્યો હતો. કર્નલ કુરેશી ત્યારે ચર્ચામાં આવ્યા જ્યારે તેમણે ગયા અઠવાડિયે ભારતીય સશસ્ત્ર દળો દ્વારા પાકિસ્તાન અને પાકિસ્તાન કબજા હેઠળના કાશ્મીરમાં આતંકવાદી છાવણીઓ પર હુમલો કરવા માટે હાથ ધરવામાં આવેલા ‘ઓપરેશન સિંદૂર’ પર વિદેશ સચિવ વિક્રમ મિશ્રી અને વિંગ કમાન્ડર વ્યોમિકા સિંહ સાથે નિયમિત પ્રેસ બ્રીફિંગ કરી.
મધ્યપ્રદેશમાં ભારતીય જનતા પાર્ટી (ભાજપ) ના વરિષ્ઠ નેતા અને આદિજાતિ કલ્યાણ મંત્રી શાહે તાજેતરમાં કર્નલ કુરેશી વિરુદ્ધ વાંધાજનક ટિપ્પણી કરીને મોટો વિવાદ ઉભો કર્યો હતો. સોમવારે ઇન્દોર નજીક રામકુંડા ગામમાં એક સભાને સંબોધિત કરતી વખતે તેમણે આ અપમાનજનક ટિપ્પણીઓ કરી હતી. તેમના નિવેદનોની સ્વતઃ નોંધ લેતા, હાઇકોર્ટે પોલીસને મંત્રી સામે એફઆઈઆર નોંધવાનો આદેશ આપ્યો.
