ભૂતપૂર્વ ભારતીય ફાસ્ટ બોલર વેંકટેશ પ્રસાદ કર્ણાટક રાજ્ય ક્રિકેટ એસોસિએશનના નવા વડા તરીકે ચૂંટાયા છે. તેમણે અનુભવી રમતગમત પ્રશાસક કેએન શાંત કુમારને ૭૪૯-૫૫૮ ના માર્જિનથી હરાવ્યા, ૧૯૧ મતોથી વિજય મેળવ્યો. ચૂંટણીમાં કુલ ૧,૩૦૭ સભ્યોએ મતદાન કર્યું. પ્રસાદ પાસે હવે રાજ્યમાં ક્રિકેટ પાછું લાવવાનો પડકાર રહેશે, જે ૪ જૂને એમ. ચિન્નાસ્વામી સ્ટેડિયમ પાસે થયેલી ભાગદોડ બાદ હાંસિયામાં ધકેલાઈ ગયું હતું. ભાગદોડમાં કુલ ૧૧ ક્રિકેટ ચાહકોના મોત થયા હતા.વેંકટેશ પ્રસાદ અને ધ પ્રિન્ટર્સ (મૈસુર) પ્રાઇવેટ લિમિટેડના ડિરેક્ટર શાંત કુમાર બંનેએ રાજ્યમાં ક્રિકેટને ઉચ્ચ સ્તરે પુનઃસ્થાપિત કરવા માટે જરૂરી પગલાં લેવાનું વચન આપ્યું હતું. આ તેમના સંબંધિત પેનલ માટે એક મુખ્ય ચૂંટણી મુદ્દો હતો. પ્રસાદ આખરે જીતી ગયા છે, અને તેમના નેતૃત્વ હેઠળની તેમની પેનલને અનિલ કુંબલે અને જવાગલ શ્રીનાથ જેવા ભૂતપૂર્વ ભારતીય ખેલાડીઓનો ટેકો છે.ભૂતપૂર્વ બેટ્સમેન સુજીત સોમસુંદરમે ઉપપ્રમુખની ચૂંટણીમાં ડી. વિનોદ શિવપ્પાને ૭૧૯-૫૮૮થી હરાવ્યા. સોમસુંદરમે તાજેતરમાં કેએસસીએની ચૂંટણી લડવા માટે મ્ઝ્રઝ્રૈં સેન્ટર ઓફ એક્સેલન્સ ખાતે શિક્ષણ વડા પદેથી રાજીનામું આપ્યું હતું. બીએન મધુકર એમએસ વિનયને ૭૩૬-૫૭૧થી હરાવીને કેએસસીએના નવા ખજાનચી બન્યા. અનુભવી પ્રશાસક સંતોષ મેનન નવા સેક્રેટરી તરીકે કેએસસીએમાં પાછા ફર્યા, તેમણે ઇએસ જયરામને ૬૭૫-૬૩૨થી હરાવ્યા. એમ ચિન્નાસ્વામી સ્ટેડિયમ નજીક થયેલી દુઃખદ ભાગદોડની નૈતિક જવાબદારી લેતા જયરામે કેએસસીએ સેક્રેટરી પદેથી રાજીનામું આપ્યું હતું, જેમાં ૧૧ ચાહકો માર્યા ગયા હતા અને અનેક લોકો ઘાયલ થયા હતા.વેંકટેશ પ્રસાદે ૧૯૯૬માં ભારતીય ક્રિકેટ ટીમ માટે ટેસ્ટ ડેબ્યૂ કર્યું હતું. ત્યારથી, તેમણે ૩૩ ટેસ્ટ મેચમાં કુલ ૯૬ વિકેટ લીધી છે. તેમણે ૧૬૧ વનડેમાં ૧૯૬ વિકેટ પણ લીધી છે. તેમણે ભારતીય ટીમ માટે છેલ્લી આંતરરાષ્ટ્રીય મેચ ૨૦૦૧માં રમી હતી.
