વિદેશી રોકાણકારોના વેચાણ દબાણ વચ્ચે ગુરુવારે સ્થાનિક શેર બજાર ઘટાડા સાથે બંધ થયું. સમગ્ર ટ્રેડિંગ સત્ર દરમિયાન વધઘટ પછી, મુખ્ય બેન્ચમાર્ક સૂચકાંકો લાલ રંગમાં બંધ થયા. ૩૦-શેર બીએસઇ સેન્સેક્સ ૧૧૪.૦૦ (૦.૧૪%) પોઈન્ટ ઘટીને ૭૭,૮૪૪.૫૨ પર બંધ થયો. ૫૦ શેરનો નિફ્ટી ૪.૩૦ (૦.૦૨%) પોઈન્ટ ઘટીને ૨૪,૩૨૬.૬૫ પર લગભગ ફ્લેટ બંધ થયો.
એક દિવસના અસ્થિર ટ્રેડિંગ પછી, ૩૦ શેરનો બીએસઈ સેન્સેક્સ ૭૭,૮૪૪.૫૨ પર બંધ થયો, જે ૧૧૪ પોઈન્ટ અથવા ૦.૧૫ ટકા ઘટીને છે. ટ્રેડિંગ સત્ર દરમિયાન, સેન્સેક્સ ૭૮,૩૮૪.૭૦ ની ઊંચી સપાટી અને ૭૭,૭૧૩.૨૧ ની નીચી સપાટીને સ્પર્શ્યાે, જે લગભગ ૬૭૧ પોઈન્ટની નોંધપાત્ર અસ્થિરતા દર્શાવે છે. ૫૦ શેરોવાળો એનએસઇ નિફ્ટી પણ ૪.૩૦ પોઈન્ટ અથવા ૦.૦૨ ટકા ઘટીને ૨૪,૩૨૬.૬૫ પર બંધ થયો.
ગુમાવનારા શેરઃ હિન્દુસ્તાન યુનિલિવર, ટાટા કન્સલ્ટન્સી સર્વિસીસ, ટેક મહિન્દ્રા, ટાઇટન, સન ફાર્મા અને આઇટીસી જેવા મુખ્ય શેરોમાં મુખ્ય ઘટાડો થયો.
નફાકારક શેરઃ બીજી બાજુ, મહિન્દ્રા એન્ડ મહિન્દ્રા,એનટીપીસી કોટક મહિન્દ્રા બેંક અને ટાટા સ્ટીલમાં ખરીદી જાવા મળી અને તેજી સાથે બંધ થયો.
બજારમાં આ મંદી અને દબાણનું સૌથી મોટું કારણ વિદેશી સંસ્થાકીય રોકાણકારો દ્વારા આક્રમક વેચાણ રહ્યું છે. એક્સચેન્જ ડેટા અનુસાર, વિદેશી રોકાણકારોએ ફક્ત બુધવારે જ ૫,૮૩૪.૯૦ કરોડના ઇક્વિટી શેર વેચ્યા હતા.
લેમન માર્કેટ્સ ડેસ્કના રિસર્ચ વિશ્લેષક ગૌરવ ગર્ગના જણાવ્યા અનુસાર, એફઆઇઆઇ આઉટફ્લો અને નબળા વૈશ્વિક સંકેતોએ બજાર પર નકારાત્મક અસર કરી છે. વધુમાં, ભૂ-રાજકીય અનિશ્ચિતતાઓએ પણ રોકાણકારોની જાખમ લેવાની ક્ષમતા અને વિશ્વાસને મર્યાદિત કર્યો છે.”
વૈશ્વિક મોરચે, બેન્ચમાર્ક ક્રૂડ ઓઇલ ૨.૨૩ ટકા ઘટીને ૯૯ પ્રતિ બેરલ પર ટ્રેડ થઈ રહ્યું હતું. એશિયન બજારો, દક્ષિણ કોરિયાના કોસ્પી, જાપાનના નિક્કી ૨૨૫, શાંઘાઈ કમ્પોઝિટ અને હોંગકોંગના હેંગ સેંગ વધારા સાથે લીલા નિશાનમાં બંધ થયા, જ્યારે યુરોપિયન બજારો નુકસાન સાથે ટ્રેડ થઈ રહ્યા હતા. બુધવારે યુએસ બજારો તીવ્ર વધારા સાથે બંધ થયા.
એનરિચ મનીના સીઈઓ પોનમુડી આર.ના જણાવ્યા અનુસાર, “ભારતીય બજારો મોટાભાગે સપાટ રહ્યા કારણ કે રોકાણકારો યુએસ શાંતિ પ્રસ્તાવ પર ઈરાનના પ્રતિભાવની રાહ જાઈ રહ્યા હતા. નિફ્ટી રેન્જ-બાઉન્ડ રહ્યો અને બજાર આગળ વધતા પહેલા મજબૂત સંકેતોની રાહ જાઈ રહ્યું છે.”
બુધવારની પ્રભાવશાળી તેજી (સેન્સેક્સ ૯૪૦ પોઈન્ટ અને નિફ્ટી ૨૯૮ પોઈન્ટ વધ્યા) પછી, ગુરુવારે બજારે સ્થિરતાનું વલણ અપનાવ્યું. હાલમાં, વિદેશી રોકાણકારોનો બહાર નીકળવાનો પ્રવાહ અને વૈશ્વિક ભૂ-રાજકીય તણાવ બજારની દિશા નક્કી કરતા સૌથી મોટા પરિબળો છે. આગામી દિવસોમાં બજારની ગતિવિધિઓ મોટાભાગે વૈશ્વિક વિકાસના સંકેતો પર આધારિત રહેશે.
