પીએમ નરેન્દ્ર મોદીએ અમેરિકાને સ્પષ્ટ કરી દીધું છે કે પાકિસ્તાન દ્વારા કરવામાં આવતી કોઈપણ કાર્યવાહીનો ભારત કડક જવાબ આપશે. તમને જણાવી દઈએ કે ભારત અને પાકિસ્તાન વચ્ચે વધી રહેલા તણાવ વચ્ચે, પીએમ નરેન્દ્ર મોદીએ તાજેતરમાં જ અમેરિકાના ઉપરાષ્ટ્રપતિ જેડી વાન્સ સાથે મુલાકાત કરી હતી.સૂત્રોએ દાવો કર્યો છે કે આ વાતચીત દરમિયાન, પીએમ નરેન્દ્ર મોદીએ રાષ્ટ્રીય સુરક્ષા પ્રત્યે ભારતની પ્રતિબદ્ધતા પર ભાર મૂક્યો અને કહ્યું કે દેશની સશસ્ત્ર દળો ભારતની શાંતિનો નાશ કરવાના કોઈપણ પ્રયાસનો યોગ્ય જવાબ આપશે.
સૂત્રોના જણાવ્યા અનુસાર, જ્યારે યુએસ ઉપરાષ્ટ્રપતિ જેડી વાન્સે પીએમ નરેન્દ્ર મોદીને ફોન કર્યો ત્યારે પાકિસ્તાનના સંબંધમાં પરમાણુ શબ્દનો કોઈ ઉલ્લેખ નહોતો. તેમને સંદેશ મળ્યો કે પાકિસ્તાન એક એવો ઠરાવ ઇચ્છે છે જે તેમને સ્વીકાર્ય હોય. પીએમ નરેન્દ્ર મોદીએ અમેરિકન રાષ્ટ્રપતિનો પ્રસ્તાવ સાંભળ્યો, પરંતુ તેના પર ખાસ ધ્યાન આપ્યું નહીં. જેડી વાન્સને સંદેશ આપવામાં આવ્યો હતો કે જા પાકિસ્તાન કોઈ કાર્યવાહી કરશે તો તેનો જવાબ ભારતીય દળો દ્વારા આપવામાં આવશે અને મને કોઈપણ પ્રકારનો પ્રસ્તાવ મૂકવાની જરૂર નથી. તમને જણાવી દઈએ કે જ્યારે ભારતીય દળોએ પાકિસ્તાનમાં છુપાયેલા આતંકવાદીઓ સામે ઓપરેશન સિંદૂર ચાલુ રાખ્યું ત્યારે પીએમ મોદીએ આ વલણ અપનાવ્યું હતું.
દરમિયાન, ભારત અને પાકિસ્તાન વચ્ચે યુદ્ધવિરામ કરાર હોવા છતાં, સૂત્રોએ ચેતવણી આપી છે કે કોઈપણ ઉલ્લંઘનના ‘પરિણામો’ ભોગવવા પડશે કારણ કે ઓપરેશન સિંદૂર હજુ પણ સક્રિય છે. પહેલગામમાં થયેલા હુમલાના જવાબમાં ભારતે ૭ મેના રોજ ઓપરેશન સિંદૂર શરૂ કર્યું, જેમાં પાકિસ્તાન અને પાકિસ્તાન કબજા હેઠળના કાશ્મીરમાં નવ આતંકવાદી ઠેકાણાઓને નિશાન બનાવવામાં આવ્યા. “૧૦ મેના રોજ યુદ્ધવિરામ માટે સંમત થયા હોવા છતાં, તેમણે (પાકિસ્તાને) ડ્રોન અને મિસાઇલો મોકલી હતી. તેમને ખબર હોવી જાઈએ કે ઉલ્લંઘનના પરિણામો ભોગવવા પડશે. ઓપરેશન સિંદૂર હજુ પણ ચાલુ છે,” સમાચાર એજન્સી એ સૂત્રોને ટાંકીને જણાવ્યું હતું. સૂત્રોએ જણાવ્યું હતું કે ઓપરેશન સિંદૂરના સફળ અમલીકરણ દ્વારા ભારતે એક મજબૂત સંદેશ આપ્યો છે કે પાકિસ્તાનમાં કોઈ પણ સ્થાન આતંકવાદીઓ અથવા તેમના સમર્થકોને આશ્રય આપી શકે નહીં.
