પાકિસ્તાનના કેરટેકર પીએમ અનવર-ઉલ-હક કાકડે કહ્યું છે કે બલૂચિસ્તાનની આઝાદીની માંગ કરી રહેલા આતંકવાદીઓને ભારત અને તેની ગુપ્તચર એજન્સી રો પાસેથી ફંડિંગ મળે છે. પાકિસ્તાનના ‘ધ ડોન’ અનુસાર, લાહોરના બિઝનેસ ફેસિલિટેશન સેન્ટરમાં ૨૦ મિનિટની પ્રેસ કોન્ફરન્સ દરમિયાન કાકડે લગભગ ૧૫ મિનિટ સુધી આ મુદ્દા પર વાત કરી.
કાકડે કહ્યું- ભારતમાં કોઈ આઈએસઆઈના પૈસાથી લડીને જુએ કે તેમની શું હાલત થશે. અમારી લડાઈ બલૂચિસ્તાનના સશ† સંગઠનો સામે છે. બલૂચોની સામે નહીં. વિરોધ કરી રહેલા લોકોએ સમજવું પડશે કે તેમના પરિવારના સભ્યો દેશ વિરુદ્ધ કામ કરી રહ્યા હતા. આ વિદેશી મદદથી કરવામાં આવેલ સશ† બળવો છે.
કાકડે કહ્યું કે બલૂચિસ્તાનના ૯૮ ટકા લોકો હજુ પણ પાકિસ્તાન સાથે છે. આ ૧૯૭૧ નથી. બલૂચિસ્તાન બાંગ્લાદેશ નથી, જે અલગ થઈ જશે. ખરેખરમાં, ૨૩ નવેમ્બર ૨૦૨૩ના રોજ, પાકિસ્તાનના કાઉન્ટર-ટેરરિઝમ ડિપાર્ટમેન્ટે એક ઓપરેશન હાથ ધર્યું હતું અને ૪ શંકાસ્પદ આતંકવાદીઓને મારી નાખ્યા હતા. તેમાં બલાચ મોલા બક્ષ નામનો યુવક પણ સામેલ હતો.પોલીસે દાવો કર્યો હતો કે તેઓ આવતાની સાથે જ આતંકવાદીઓએ તેમના પર હથિયારો અને ગ્રેનેડથી હુમલો કર્યો હતો. જા કે બક્ષના પરિવારજનો તેને ફેક એન્કાઉન્ટર ગણાવી રહ્યા છે. બલૂચિસ્તાનના લોકોએ ઓપરેશનનો વિરોધ કર્યો હતો.
લોકોએ બલૂચિસ્તાનથી ઈસ્લામાબાદ સુધી રેલી યોજી હતી. લોકોએ માંગ કરી હતી કે સીટીડી પાસેથી હથિયારો જપ્ત કરવામાં આવે અને તેમની કસ્ટડીમાં રહેલા બલોચને મુક્ત કરવામાં આવે. મીડિયા રિપોર્ટ્સ અનુસાર, પાકિસ્તાનના કેરટેકર પીએમ કક્કડ પણ બલૂચિસ્તાનના છે, તેથી આ મામલે તેમની ટીકા થઈ રહી છે.
કેરટેકર પીએમએ વધુમાં કહ્યું- જે લોકો આ વિરોધનું સમર્થન કરી રહ્યા છે તેઓએ પણ બલૂચિસ્તાન લિબરેશન આર્મીમાં જાડાવું જાઈએ. અત્યાર સુધીમાં લગભગ ૯૦ હજાર નિર્દોષ લોકોના મોત થયા છે અને આ માટે માત્ર ૯ લોકોને જ સજા થઈ છે.
પાકિસ્તાનની ન્યાય વ્યવસ્થા નબળી છે અને તે આતંકવાદીઓને સજા કરવામાં સક્ષમ નથી. આ કેસમાં માનવાધિકારના સમર્થકોએ ક્યારેય આરોપી વિરુદ્ધ અવાજ ઉઠાવ્યો નથી. કકડે વધુમાં કહ્યું- દરેકને શાંતિપૂર્વક વિરોધ કરવાનો અધિકાર છે.જ્યારે પરિસ્થિતિ કાબૂ બહાર જવા લાગે છે ત્યારે પોલીસ કાર્યવાહી કરે છે. ૯મી મેના રોજ પણ પાકિસ્તાનમાં આવું જ થયું હતું. ઈમરાન ખાનની ધરપકડના વિરોધમાં શાંતિપૂર્ણ પ્રદર્શન હિંસામાં ફેરવાઈ ગયું હતું. આ પછી જ પોલીસે આ મામલે દરમિયાનગીરી કરી હતી.
બલૂચિસ્તાન પાકિસ્તાનનો એક પ્રાંત છે. તેની રાજધાની ક્વેટા છે. તે પાકિસ્તાનનું સૌથી મોટું રાજ્ય છે. તેની સરહદ ઈરાન અને અફઘાનિસ્તાન સાથે છે. અહીં સોના, તાંબાની સાથે સાથે અનેક પ્રકારના ખનિજાની ખાણો છે. તેનાથી પાકિસ્તાનને ઘણો ફાયદો થાય છે.બલૂચિસ્તાનના લોકોનું કહેવું છે કે આ વિસ્તારમાંથી આટલો ફાયદો ઉઠાવવા છતાં પાકિસ્તાન સરકાર અહીંના લોકો માટે કંઈ કરી રહી નથી. અહીંના લોકો ૧૯૪૮થી પાકિસ્તાન સરકારની વિરુદ્ધ છે. તેઓ પાકિસ્તાનથી આઝાદીની માંગ કરી રહ્યા છે.ત્યાંના લોકો બલૂચ નેશનલ મૂવમેન્ટ નામનું આંદોલન ચલાવી રહ્યા છે. તેનો ઉદ્દેશ્ય બલૂચિસ્તાનને પાકિસ્તાનથી મુક્ત કરવાનો છે. બલૂચ લિબરેશન આર્મીની રચના ૧૯૭૦માં થઈ હતી. જ્યારે મજીદ બ્રિગેડ ૨૦૧૧માં અસ્તિત્વમાં આવી હતી. કરાચી સ્ટોક એક્સચેન્જ અને ગ્વાદર હુમલામાં માજિદ બ્રિગેડનું નામ પણ સામે આવ્યું છે.
