ભારતે એશિયન ડેવલપમેન્ટ બેંક દ્વારા પાકિસ્તાનને આપવામાં આવતી કોઈપણ નાણાકીય સહાયનો સખત વિરોધ કર્યો છે. ભારતે લશ્કરી ખર્ચ પર ભંડોળના દુરુપયોગ પર ગંભીર ચિંતા વ્યક્ત કરી છે. ભારતે આર્થિક સુધારાઓ પ્રત્યે પાકિસ્તાનની પ્રતિબદ્ધતા પર પણ પ્રશ્ન ઉઠાવ્યો છે.
ભારત ચિંતિત છે કે પાકિસ્તાન આ નાણાકીય સહાયનો દુરુપયોગ કરશે. ભારતે એડીબી સમક્ષ પાકિસ્તાનની નાણાકીય પ્રાથમિકતાઓ પર પ્રશ્ન ઉઠાવ્યો. ભારતે કહ્યું કે બગડતી નાણાકીય પરિસ્થિતિ, ઘટતા કર વસૂલાતને સંભાળવાને બદલે, પાકિસ્તાન લશ્કરી ખર્ચ માટે આંતરરાષ્ટ્રીય ભંડોળનો ઉપયોગ કરી રહ્યું છે.
ભારતે કહ્યું કે જીડીપીના પ્રમાણમાં પાકિસ્તાનની કર વસૂલાત ક્ષમતા ચિંતાજનક રીતે ઘટી છે. જ્યારે નાણાકીય વર્ષ ૨૦૧૮ માં આ આંકડો ૧૩.૦% હતો, તે નાણાકીય વર્ષ ૨૦૨૩ માં ઘટીને માત્ર ૯.૨% થયો છે, જે એશિયા-પેસિફિક ક્ષેત્રના સરેરાશ ૧૯.૦% કરતા ઘણો ઓછો છે. આવકમાં આ ઘટાડો હોવા છતાં, પાકિસ્તાને તે જ સમયગાળા દરમિયાન સંરક્ષણ ખર્ચમાં નોંધપાત્ર વધારો કર્યો. ભારતે ચેતવણી આપી હતી કે આ પેટર્ન આંતરરાષ્ટ્રીય ભંડોળના સંભવિત ડાયવર્ઝનને પ્રતિબિંબિત કરે છે. ભારતે છડ્ઢમ્ મેનેજમેન્ટને વિકાસ સંસાધનોના આવા દુરુપયોગને રોકવા માટે પૂરતા પ્રમાણમાં ધિરાણ સુરક્ષિત કરવા વિનંતી કરી.
ભારતે અગાઉના એડીબી અને આઇએમએફ કાર્યક્રમોની અસરકારકતા સામે પણ વાંધો ઉઠાવ્યો હતો. વર્ષોના સંસ્થાકીય સમર્થન છતાં પાકિસ્તાને તેના ૨૪મા બેલઆઉટ કાર્યક્રમ માટે આંતરરાષ્ટ્રીય નાણાકીય ભંડોળનો સંપર્ક કર્યો છે. ભારતે કાયમી સુધારાઓમાં પાકિસ્તાનની સેનાની દખલગીરીને કાયમી સુધારામાં સૌથી મોટી અવરોધ ગણાવી હતી. ભારતે કહ્યું કે પાકિસ્તાનમાં સરકાર સત્તામાં હોવા છતાં, સેના સ્થાનિક રાજકારણમાં મોટી ભૂમિકા ભજવી રહી છે અને અર્થતંત્ર પર નિયંત્રણ વધારી રહી છે. ભારતે વાંધો ઉઠાવ્યો હતો કે એડીબી અને આઇએમએફની નાણાકીય સહાયનો દુરુપયોગ કરીને, પાકિસ્તાન પ્રાદેશિક શાંતિ અને સુરક્ષા માટે ગંભીર ખતરો બની રહ્યું છે. આ અંગે એડીબી તરફથી હજુ સુધી કોઈ સત્તાવાર પ્રતિભાવ આવ્યો નથી. પરંતુ ભારત દ્વારા દાખલ કરાયેલા વાંધાઓએ દક્ષિણ એશિયામાં નાણાકીય સહાયના ભવિષ્ય સંબંધિત ચર્ચાને વધુ તીવ્ર બનાવી દીધી છે.
