ભારત લાંબા સમયથી ટીબી સામેની લડાઈ લડી રહ્યું છે, પરંતુ હવે ટીબીને લઈને એક અભ્યાસ સામે આવ્યો છે જે ડરાવે છે.પીએલઓએસ મેડિસિન જર્નલના એક અભ્યાસ અનુસાર, એવો અંદાજ છે કે ભારતમાં ૨૦૨૧ થી ૨૦૪૦ સુધીના બે દાયકામાં ટીબીના ૬ કરોડ કેસ અને ૮૦ લાખ લોકોના મોત થઈ શકે છે.
અભ્યાસ મુજબ, આ રોગને કારણે ભારતને માત્ર જાનહાનિ જ નહીં પરંતુ સંપત્તિનું પણ નુકસાન થશે. ગ્રોસ ડોમેસ્ટીક પ્રોડક્ટ (જીડીપી)ને ૧૪૬ અબજ ડોલરથી વધુનું નુકસાન થવાની સંભાવના છે. લંડન સ્કૂલ ઓફ હાઈજીન એન્ડ ટ્રોપિકલ મેડિસિન, યુકેના સંશોધકોએ જણાવ્યું હતું કે આના કારણે ઓછી આવક ધરાવતા મધ્યમ વર્ગના પરિવારો વધુ મુશ્કેલીમાં છે. તેમને સ્વાસ્થ્ય સંબંધિત બોજા સહન કરવો પડી શકે છે, જ્યારે સમૃદ્ધ પરિવારોએ નાણાકીય બોજા સહન કરવો પડી શકે છે.
ટ્યુબરક્યુલોસિસ એ બેક્ટેરિયલ રોગ છે. આ એક એવો રોગ છે જેના કારણે જ્યારે ચેપગ્રસ્ત વ્યક્તિ ખાંસી, છીંક કે બોલે છે ત્યારે હવામાં બેક્ટેરિયા ફેલાય છે અને અન્ય લોકોને પણ ચેપ લાગી શકે છે. આ રોગ મુખ્યત્વે ફેફસાંને અસર કરી શકે છે, પરંતુ તે ફેફસાંની સાથે શરીરના અન્ય ભાગોને પણ અસર કરી શકે છે.
જો આ રોગને શરૂઆતમાં કાબૂમાં લેવામાં આવે તો તેને ઠીક થવામાં વધુ સમય લાગતો નથી, પરંતુ જો પકડવામાં ન આવે તો તે મૃત્યુનું કારણ પણ બની શકે છે. આ રોગના સામાન્ય લક્ષણોમાં સતત ઉધરસ, છાતીમાં દુખાવો, તાવ અને થાકનો સમાવેશ થાય છે.
કોઈને ટીબી છે કે નહીં તે શોધવાના દરમાં સુધારો થયો છે. હાલમાં ૬૩ ટકા કેસોનો અંદાજ છે. સંશોધનમાં જાણવા મળ્યું છે કે ૯૫ ટકા અસરકારક ટીબી સારવાર અને કેસની તપાસ સાથે, ટીબીનો બોજ ૭૮-૯૧ ટકા ઘટાડી શકાય છે અને આર્થિક બોજ ૧૨૪.૨ બિલિયન ઘટાડી શકાય છે.
સંશોધકે કહ્યું કે ટીબી સામે લડવા અને તેને નાબૂદ કરવા માટે વર્ષ ૨૦૦૦ થી સતત ભંડોળ એકત્ર કરવામાં આવી રહ્યું છે, પરંતુ તે હજુ પણ વૈશ્વીક ધિરાણ લક્ષ્ય કરતાં ઘણું ઓછું છે. ઉપરાંત, સંશોધનમાં કહેવામાં આવ્યું છે કે કેસની વહેલી તપાસ, વધુ સારી અને સતત દવાઓ લેવાથી અને અસરકારક સારવાર આપીને તેને સુધારી શકાય છે.
સંશોધન માટે, સંશોધકોએ એક મોડેલ તૈયાર કર્યું હતું જેમાં ભારતમાં આર્થિક, આરોગ્ય અને વસ્તી પર ટીબીની અસરનું સંશોધન કરવામાં આવ્યું હતું. સંશોધકોએ જણાવ્યું હતું કે, અમે અનુમાન લગાવ્યું છે કે, ૨૦૨૧ થી ૨૦૪૦ સુધી, ભારતમાં ટીબીના આરોગ્ય અને મેક્રો ઇકોનોમિક બોજ પર ૬૨.૪ મિલિયન રૂપિયાથી વધુનો ખર્ચ થશે, ૮ મિલિયન ટીબી સંબંધિત મૃત્યુ થશે અને જીડીપીના ૧૪૬.૪ અબજ રૂપિયાનું નુકસાન થશે.
