દક્ષિણ ભારતના પ્રખ્યાત અભિનેતા, આંધ્રપ્રદેશના નાયબ મુખ્યમંત્રી અને જનસેના પાર્ટીના સ્થાપક પવન કલ્યાણ, મહિલા અનામત સુધારા બિલ પસાર ન થવાથી ખૂબ જ નિરાશ છે. તેમણે વિપક્ષની આકરી ટીકા કરી છે અને રાજકીય લાભ માટે મહિલાઓને તેમના અધિકારોથી વંચિત રાખવાનો આરોપ લગાવ્યો છે. તેમણે પીએમ મોદીની મહિલાલક્ષી નીતિઓની ખુલ્લેઆમ પ્રશંસા અને સમર્થન પણ કર્યું છે.
પવન કલ્યાણે સોશિયલ મીડિયા પ્લેટફોર્મ એકસ પર વિપક્ષ પર જારદાર નિશાન સાધ્યું છે. તેમના મતે, વિપક્ષે જાણી જાઈને બિલ પસાર થતું અટકાવ્યું. પવન કલ્યાણે સોશિયલ મીડિયા પ્લેટફોર્મ એકસ પર લખ્યું કે ભારતની વિધાનસભાઓમાં મહિલાઓના પ્રતિનિધિત્વને મજબૂત બનાવવાની એક ઐતિહાસિક તકને વિપક્ષ દ્વારા જાણી જાઈને અવરોધવામાં આવી છે. વિપક્ષનું આ વલણ સ્પષ્ટપણે દર્શાવે છે કે ભારતના લોકશાહીને મજબૂત બનાવતા અને મહિલાઓને સશક્ત બનાવતા પરિવર્તનકારી સુધારાઓને સમર્થન આપવાનો તેમનો ઇરાદો નથી.
પવન કલ્યાણ કહે છે કે વિપક્ષે ફરી એકવાર સાબિત કર્યું છે કે રાજકીય લાભ રાષ્ટ્રીય પ્રગતિથી ઉપર છે. આનાથી મહિલા અધિકારોને નુકસાન થયું છે. તેમણે આગળ લખ્યું કે આ ઐતિહાસિક સુધારાને સમર્થન આપવાથી મહિલાઓને સશક્તિકરણ અને લોકશાહી મૂલ્યોને મજબૂત કરવા માટેની સામૂહિક પ્રતિબદ્ધતા દર્શાવે છે. સાથી તરીકે, જનસેના પાર્ટી આ મહત્વપૂર્ણ બિલને સંસદમાં રજૂ કરવામાં માનનીય વડા પ્રધાન નરેન્દ્ર મોદીના દૂરંદેશી નેતૃત્વનું હૃદયપૂર્વક સ્વાગત કરે છે અને પ્રશંસા કરે છે. જા આ બિલ પસાર થયું હોત, તો તે દેશભરની લાખો મહિલાઓ માટે ગર્વ અને પ્રગતિનો એક નિર્ણાયક ક્ષણ હોત.
હકીકતમાં, મહિલા અનામત સુધારો બિલ પસાર કરવા માટે બે તૃતીયાંશ બહુમતી જરૂરી હતી. બિલના પક્ષમાં ૨૯૮ અને વિરોધમાં ૨૩૦ મત મળ્યા, જે જરૂરી બહુમતી કરતા ઓછા છે. બિલ પસાર ન થયા બાદ, રાજકીય વર્તુળોથી લઈને સોશિયલ મીડિયા સુધી દરેક વ્યક્તિ હવે પોતાના મંતવ્યો વ્યક્ત કરી રહ્યા છે.
