ભારતના ભાગેડુ નીરવ મોદીના ભાઈ નેહલ મોદીની અમેરિકામાં ધરપકડ કરવામાં આવી છે. આને ભારત માટે એક મોટી સફળતા તરીકે જાવામાં આવી રહી છે. યુએસ ડિપાર્ટમેન્ટ ઓફ જÂસ્ટસે ભારતીય અધિકારીઓને માહિતી આપી છે કે ભાગેડુ આર્થિક ગુનેગાર નીરવ મોદીના ભાઈ નેહલ મોદીની ૪ જુલાઈના રોજ અમેરિકામાં ધરપકડ કરવામાં આવી છે. આ ધરપકડ ભારતના એન્ફોર્સમેન્ટ ડિરેક્ટોરેટ અને સેન્ટ્રલ બ્યુરો ઓફ ઇન્વેસ્ટિગેશન દ્વારા સંયુક્ત રીતે દાખલ કરાયેલ પ્રત્યાર્પણ વિનંતીના આધારે કરવામાં આવી છે.
પ્રત્યાર્પણની વિનંતી ગુનાહિત કાવતરું કલમ ૧૨૦બી, ૨૦૧ ભારતીય દંડ સંહિતા અને ૩ પ્રિવેન્શન ઓફ મની લોન્ડરિંગ એક્ટ ૨૦૦૨ હેઠળ કરવામાં આવી હતી. નીરવ મોદીની સાથે, નેહલ મોદી પર પંજાબ નેશનલ બેંકમાંથી હજારો કરોડ રૂપિયાનું કૌભાંડ કરવાનો પણ આરોપ છે.
સીબીઆઇ અને ઈડીની તપાસ મુજબ, તેના ભાઈ નેહલ મોદીએ નીરવ મોદીના આ કૌભાંડને અંજામ આપવામાં મહત્વપૂર્ણ ભૂમિકા ભજવી હતી. તપાસ એજન્સીઓ પણ નીરવ મોદીને યુકેથી પ્રત્યાર્પણ કરવાનો પ્રયાસ કરી રહી છે. સુનાવણીની આગામી તારીખ ૧૭ જુલાઈ છે. આમાં, નેહલ મોદી જામીન માટે પણ અપીલ કરી શકે છે અને ભારતીય એજન્સીઓની દલીલ પર યુએસ સત્તાવાળાઓ તેનો વિરોધ કરશે.
