પશ્ચિમ બંગાળના મુખ્યમંત્રી મમતા બેનર્જીએ શનિવારે કહ્યું કે લોકસભા અને રાજ્ય વિધાનસભાઓમાં મહિલાઓ માટે ૩૩% અનામત લાગુ કરતું બંધારણ સુધારો બિલ સંસદના નીચલા ગૃહમાં પસાર ન થયા પછી ભાજપનું “પતન” શરૂ થયું છે. હાવડાના ઉલુબેરિયામાં એક ચૂંટણી રેલીને સંબોધતા બેનર્જીએ દાવો કર્યો કે ભાજપ “હારી” ગયો છે અને ફક્ત તેના સાથી પક્ષોના ટેકાથી જ સત્તામાં રહી રહ્યો છે.
તેમણે કહ્યું, “ભાજપનું પતન શરૂ થઈ ગયું છે. અમે ભાજપને હરાવ્યું છે. તેમની પાસે પોતાના દમ પર બહુમતી નથી.” તેઓ બીજાઓના ટેકાથી સત્તામાં રહી રહ્યા છે.”
૨૦૨૯ની સંસદીય ચૂંટણીઓથી લોકસભા અને રાજ્ય વિધાનસભાઓમાં મહિલાઓ માટે ૩૩ ટકા અનામત લાગુ કરવાનો પ્રયાસ કરતો બંધારણ સુધારો બિલ શુક્રવારે સંસદના નીચલા ગૃહમાં પસાર થવામાં નિષ્ફળ ગયો. સીમાંકન માટે ભાજપના દબાણ અંગે, તૃણમૂલ કોંગ્રેસના વડાએ પક્ષ પર દેશને “વિભાજીત” કરવા માંગવાનો આરોપ મૂક્્યો.
તેમની પાર્ટીએ મહિલાઓ માટે વધુ પ્રતિનિધિત્વ સુનિશ્ચિત કર્યું છે તેવો દાવો કરતાં, તેમણે કહ્યું કે તૃણમૂલ કોંગ્રેસના લોકસભામાં ૩૬ ટકા અને રાજ્યસભામાં ૪૬ ટકા મહિલા સભ્યો છે. તેમણે કહ્યું, “અમારા જેવો બીજા કોઈ પક્ષ નથી. ભાજપે આપણી પાસેથી શીખવું જાઈએ. હું ૧૯૯૮થી મહિલા અનામત માટે લડી રહી છું.” બેનર્જીએ ભાજપ માટે કામ કરનારાઓને ચેતવણી આપતા કહ્યું કે પાર્ટી કેન્દ્રમાં લાંબા સમય સુધી સત્તામાં રહી શકશે નહીં.
