અજીત પવાર જૂથના એનસીપીમાં ચાલી રહેલા આંતરિક ઝઘડા વચ્ચે, શિવસેના ઉદ્ધવ ઠાકરેની આગેવાની હેઠળના પક્ષના નેતા સંજય રાઉતે ભાજપ પર નેતાઓનો શિકાર કરવાનો આરોપ લગાવ્યો છે. તેમનું કહેવું છે કે અજિત પવારના જૂથના ઘણા ધારાસભ્યો ભાજપમાં જાડાઈ શકે છે. તેમનું એમ પણ કહેવું છે કે એકનાથ શિંદેની શિવસેનાના કેટલાક ધારાસભ્યો પણ ભાજપમાં જાડાઈ શકે છે. એનસીપીના સુનેત્રા પવારે ચૂંટણી પંચને પત્ર લખીને જણાવ્યું હતું કે તેમના પક્ષ દ્વારા અગાઉ લખાયેલા પત્રો પર કાર્યવાહી ન કરવી જાઈએ.
શિવસેના (ઉદ્ધવ ઠાકરે જૂથ) ના નેતા અને સાંસદ સંજય રાઉતે જલગાંવમાં એક મોટું રાજકીય નિવેદન આપ્યું હતું. તેમણે આરોપ લગાવ્યો હતો કે ભારતીય જનતા પાર્ટી (ભાજપ) નજીકના ભવિષ્યમાં રાષ્ટ્રવાદી કોંગ્રેસ પાર્ટી (અજીત પવાર જૂથ) ને તોડી શકે છે. એનસીપીની અંદર ચાલી રહેલા ગડબડ અંગે, રાઉતે કહ્યું હતું કે અજિત પવારના એનસીપીના આશરે ૨૫ ધારાસભ્યો ભાજપમાં જાડાઈ શકે છે. તેમણે એવો પણ દાવો કર્યો હતો કે શિવસેના (એકનાથ શિંદે જૂથ) સાથે પણ આવી જ પરિસ્થિતિસર્જાઈ શકે છે, અને ત્યાંના કેટલાક ધારાસભ્યો પણ ભાજપમાં જાડાઈ શકે છે.
શિવસેના (ઉદ્ધવ ઠાકરે જૂથ) કહે છે કે એનસીપી (અજીત પવાર જૂથ) માં ઉભરતા મતભેદો આગામી દિવસોમાં પક્ષમાં મોટા વિભાજનનો સંકેત આપે છે. શિવસેના અને એનસીપીમાં બળવો થયા બાદ, બંને પક્ષો અલગ થઈ ગયા. હવે, સંજય રાઉતે બંને રાજકીય પક્ષોમાં વિભાજનની આગાહી કરી છે.
પ્રફુલ પટેલ અને સુનિલ તટકરે પર પક્ષ પર કબજા કરવાનો પ્રયાસ કરવાનો આરોપ મૂકવામાં આવ્યો હતો. ત્યારબાદ, સુનેત્રા પવારે ચૂંટણી પંચને પત્ર લખીને જણાવ્યું હતું કે તેઓ પક્ષના નેતા છે અને પક્ષ સાથે સંબંધિત કોઈપણ વ્યક્તિ દ્વારા કરવામાં આવેલી કોઈપણ અપીલને અમાન્ય ઠેરવવી જાઈએ. પ્રફુલ પટેલ એનસીપીના રાષ્ટ્રીય કાર્યકારી પ્રમુખ છે, જ્યારે સુનિલ તટકરે મહારાષ્ટ્ર પ્રમુખ છે.
