ઝારખંડ મુક્તિ મોરચાના ધારાસભ્ય અને મુખ્યમંત્રી હેમંત સોરેનની પત્ની કલ્પના સોરેને શનિવારે મહિલાઓ માટે પ્રસ્તાવિત ‘ગોગો દીદી’ યોજના માટે ભાજપની ટીકા કરી હતી અને આ પગલાને વિધાનસભા ચૂંટણી પહેલા ભગવા પક્ષની બીજી યુકતી ગણાવી હતી. રાંચીના તામર બ્લોકમાં ‘મૈયા સન્માન યાત્રા’ રેલીને સંબોધિત કરતી વખતે કલ્પના સોરેને ભાજપના ચૂંટણી ઢંઢેરા પર જારદાર નિશાન સાધ્યું છે.
તેમણે કહ્યું કે, મેં સાંભળ્યું છે કે બીજેપીના લોકો લોકોને એક સ્કીમના ફોર્મ ભરવા માટે મજબૂર કરી રહ્યા છે જે તેઓ અમારી ‘મૈયા સન્માન યોજના’નો સામનો કરવા માટે લાવી રહ્યા છે. તેઓ માત્ર ‘જુમલા’ આપે છે. સાવચેત રહો, તેઓએ ફોર્મ ભરવાની લાલચ આપીને દેશભરમાં અનેક વખત કરોડો લોકોને છેતર્યા છે. રાજ્યમાં સત્તારૂઢ જેએમએમની આગેવાની હેઠળનું ગઠબંધન ઝારખંડ મુખ્યમંત્રી મૈયા સન્માન યોજના હેઠળ મહિલાઓને દર મહિને રૂ. ૧,૦૦૦ આપે છે.
તેમણે કહ્યું કે, ભાજપે પહેલા લોકોને ફોર્મ ભરવાનું અને દરેક વ્યÂક્તના ખાતામાં ૧૫ લાખ રૂપિયા જમા કરાવવા અને પછી બે કરોડ નોકરીઓ આપવાનું વચન આપ્યું હતું. તે પછી શું થયું તે બધા જાણે છે. ઝારખંડના લોકોએ ૨૦ વર્ષથી બીજેપીની ‘જુમલેબાઝી’ જાઈ છે.
જેએમએમના જવાબમાં, ઝારખંડ ભાજપે તેના પ્રથમ ચૂંટણી ઢંઢેરામાં મહિલાઓ માટે ‘ગોગો દીદી’ યોજના શરૂ કરવાની જાહેરાત કરી, જેના હેઠળ દર મહિને રૂ. ૨,૧૦૦ ની નાણાકીય સહાય પૂરી પાડવામાં આવશે. આના પર, જેએમએમ ધારાસભ્યએ કહ્યું કે ઝારખંડમાં હેમંત સોરેન સરકાર દ્વારા પ્રથમ વખત ‘મૈયા સન્માન યોજના’નો ખ્યાલ બનાવવામાં આવ્યો હતો.
આ રેલીમાં તેમણે એમ પણ કહ્યું કે રાજ્ય સરકારે જલ સહાય, પોષણ સખીઓ અને લાખો સખી મંડળોની મહિલાઓના સશÂક્તકરણ માટે ઘણી પહેલ કરી છે. કલ્પના સોરેને કહ્યું કે જલ સહાય અને પોષણ સખીઓના માનદ વેતનમાં વધારો કરવામાં આવ્યો છે, જ્યારે સખી મંડળની મહિલાઓને ૧૧,૦૦૦ કરોડ રૂપિયાની લોન ઉપલબ્ધ કરાવવામાં આવી છે, જેથી તેઓ આત્મનિર્ભર બની શકે.
