દક્ષિણ આફ્રિકાની લોકપ્રિય સ્થાનિક ટી ૨૦ લીગ,એસએ૨૦, ૨૬ ડિસેમ્બરે શરૂ થઈ હશે, પરંતુ વાસ્તવિક ટી ૨૦ રોમાંચક ૩૧ ડિસેમ્બરે ખુલી. પ્રિટોરિયા કેપિટલ્સ અને એમઆઇ કેપટાઉન વચ્ચેની મેચમાં, બેટ્સમેનોએ એક તોફાન મચાવ્યું જેણે દર્શકોને સ્તબ્ધ કરી દીધા. આ મેચમાં સતત છ બોલમાં છ છગ્ગા ફટકારવાનો દુર્લભ નજારો જોવા મળ્યો, જે બે વિસ્ફોટક બેટ્સમેનોએ સંયુક્ત રીતે હાંસલ કર્યો.
એસએ ૨૦ ૨૦૨૫-૨૬ ની આઠમી મેચમાં, ન્યૂલેન્ડ્સે પ્રિટોરિયા કેપિટલ્સ બેટ્સમેનોનું ધમાકેદાર બેટિંગ પ્રદર્શન જાયું. ઇનિંગ્સની અંતિમ ઓવરોમાં, ડેવાલ્ડ બ્રુઇસ અને શેરફેન રધરફોર્ડે એમઆઇ કેપ ટાઉનના બોલરો પર વિનાશ વેર્યો. સાથે મળીને, તેમણે ડેથ ઓવરમાં સતત છ બોલમાં છ છગ્ગા ફટકારીને સનસનાટી મચાવી. આ ભાગીદારી દરમિયાન, બ્રુઇસ અને રધરફોર્ડે કુલ ૨૮ બોલનો સામનો કર્યો, જેમાંથી ૧૧ બાઉન્ડ્રીની ઉપર ફટકાર્યા. નોંધપાત્ર રીતે, આ ૧૧ બાઉન્ડ્રીમાં ૧૦ છગ્ગાનો સમાવેશ થાય છે, અને આમાંથી છ છગ્ગા સતત છ બોલમાં આવ્યા હતા.
પ્રિટોરિયાની ઇનિંગ્સની ૧૮મી ઓવરમાં છગ્ગાનો વરસાદ શરૂ થયો. આ ઓવરના છેલ્લા બે બોલ પર, ડેવાલ્ડ બ્રુઇસે બોલર કોર્બિન બોશના બોલ પર સતત બે બોલમાં બે છગ્ગા ફટકાર્યા. પછી, ૧૯મી ઓવરમાં, શેરફેન રધરફોર્ડે બાજી સંભાળી અને સતત ચાર બોલમાં ચાર છગ્ગા ફટકાર્યા, જેનાથી એમઆઈ કેપ ટાઉનના બોલરો સંપૂર્ણપણે પાછળ પડી ગયા.
ડેવાલ્ડ બ્રુઈસે માત્ર ૧૩ બોલમાં ૩૬ રન બનાવ્યા, જેમાં ચાર છગ્ગા અને એક ચોગ્ગાનો સમાવેશ થાય છે. તેનો સ્ટ્રાઇક રેટ ૨૭૬.૯૨ હતો. જોકે, રધરફોર્ડે વધુ ઝડપી રમત બતાવી, ૧૫ બોલમાં ૪૭ રન બનાવ્યા. તેણે આ ઇનિંગમાં છ છગ્ગા ફટકાર્યા, અને તેનો સ્ટ્રાઇક રેટ ૩૦૦ થી વધુ હતો. બંને બેટ્સમેનોએ મળીને માત્ર ૨૮ બોલમાં ૮૩ રન ઉમેર્યા, જેમાં એક ચોગ્ગા અને ૧૦ જબરદસ્ત છગ્ગાનો સમાવેશ થાય છે.
બ્રેવીસ અને રધરફોર્ડની વિસ્ફોટક બેટિંગને કારણે, પ્રિટોરિયા કેપિટલ્સે ૨૦ ઓવરમાં ૫ વિકેટે ૨૨૦ રનનો વિશાળ સ્કોર બનાવ્યો. લક્ષ્યનો પીછો કરતી વખતે, સ્ૈં કેપટાઉન દબાણનો સામનો કરી શક્યુ નહીં
અને ૧૪.૨ ઓવરમાં ફક્ત ૧૩૫ રનમાં ઓલઆઉટ થઈ ગયું. અંતે, પ્રિટોરિયા કેપિટલ્સે એસએ૨૦ સ્પર્ધામાં પોતાની તાકાતનું પ્રદર્શન કરીને ૮૫ રનથી મેચ જીતી લીધી.
