સુપ્રીમ કોર્ટે ઇસ્કોન બેંગ્લોર અને ઇસ્કોન મુંબઈ વિવાદમાં એક મોટો નિર્ણય આપ્યો છે. કોર્ટે પોતાના નિર્ણયમાં સ્પષ્ટ કર્યું છે કે બેંગ્લોર હરે કૃષ્ણ હિલ મંદિર હવે ઇસ્કોન બેંગ્લોર પાસે રહેશે. સુપ્રીમ કોર્ટે મુંબઈ ઇસ્કોનના અધિકારો પણ રદ કર્યા છે. આ નિર્ણય સાથે, સુપ્રીમ કોર્ટે કર્ણાટક હાઈકોર્ટના નિર્ણયને પણ રદ કર્યો છે. પોતાનો ચુકાદો આપતી વખતે, સુપ્રીમ કોર્ટે નીચલી કોર્ટના નિર્ણયને માન્ય રાખ્યો છે. તમને જણાવી દઈએ કે નીચલી કોર્ટે ઇસ્કોન મુંબઈના અધિકારોને નકારી કાઢ્યા હતા અને કહ્યું હતું કે ઇસ્કોન બેંગ્લોર ઇસ્કોન મુંબઈની શાખા નથી પરંતુ એક સ્વતંત્ર સંસ્થા છે. જ્યારે આ મામલો હાઈકોર્ટમાં પહોંચ્યો, ત્યારે કોર્ટે કહ્યું કે બેંગ્લોરની માલિકી ઈસ્કોન મુંબઈ પાસે રહેશે.
સુપ્રીમ કોર્ટના ન્યાયાધીશ અભય એસ ઓક અને ન્યાયાધીશ ઉજ્જલ ભુઇયાની બેન્ચે ઇસ્કોનમાં દાયકાઓ જૂના વિવાદ પર આ ચુકાદો આપ્યો. ૧૫ ફેબ્રુઆરી ૨૦૧૬ના રોજ સુપ્રીમ કોર્ટમાં આવેલા આ કેસમાં આઠ વર્ષ પછી ૨૪ જુલાઈ ૨૦૨૪ના રોજ સુનાવણી પૂર્ણ કર્યા બાદ નિર્ણય અનામત રાખવામાં આવ્યો હતો. વાસ્તવમાં, ઇસ્કોનના સ્થાપક શ્રીલ પ્રભુપાદ ભક્તિવેદાંત સ્વામી મહાસમાધિમાં ગયા પછી, તેમના શિષ્યોમાં સિદ્ધાંતો અંગે વિવાદ શરૂ થયો.
ઇસ્કોન મુંબઈ મોટે ભાગે પ્રભુપાદના વિદેશી શિષ્યોથી પ્રભાવિત હતું. તેમના પર પ્રભુપાદના સમાધિમાં પ્રવેશતા પહેલા ઇસ્કોનના ભાવિ શાસનની રૂપરેખા આપતી તેમની ઇચ્છાનું પાલન ન કરવાનો આરોપ છે. તેમાં ૧૨ સાધુઓના વહીવટી સમિતિ કમિશન જેવી વ્યવસ્થા હતી. એકમાત્ર વિકલ્પ એ હતો કે પ્રભુપાદના ગુરુના નામ હેઠળ શિષ્ય પરંપરા ચાલુ રાખવામાં આવે. પરંતુ એવો આરોપ છે કે આ બધા ૧૨ લોકો તેમની મર્યાદાથી નીચે પડી ગયા. આનાથી ગુસ્સે થઈને, ઇસ્કોન બેંગલુરુએ વિરોધ કર્યો. ભક્તિ સિદ્ધાંતનો વિવાદ પછી મંદિરોની મિલકતો પર આવ્યો. જાકે, સુનાવણી દરમિયાન, જસ્ટિસ ઓકે સ્પષ્ટ કર્યું કે આ કોર્ટ આધ્યાÂત્મકતા અને સિદ્ધાંતોના મુદ્દાઓ પર નિર્ણય લઈ શકતી નથી કારણ કે તે આ બાબતોમાં નિષ્ણાત નથી. કોર્ટ તેને મિલકતના વિવાદ તરીકે જુએ છે. તેથી નિર્ણય પણ આના આધારે લેવામાં આવશે.
