ભૂતપૂર્વ બસપા લોકસભા ઉમેદવાર નવીન કુશવાહ અને તેમના પરિવારના બે સભ્યોના શંકાસ્પદ મોતથી વિસ્તારમાં ખળભળાટ મચી ગયો છે. આ ઘટના ખજાંચી હાટ પોલીસ સ્ટેશન વિસ્તારની યુરોપિયન કોલોનીમાં બની હતી. મૃતકોની ઓળખ ભૂતપૂર્વ લોકસભા ઉમેદવાર નવીન કુશવાહ, તેમની પત્ની કંચનમાલા અને પુત્રી તનુ પ્રિયા તરીકે થઈ છે. ત્રણેયને સારવાર માટે પૂર્ણિયાની એક ખાનગી હોસ્પિટલટલમાં દાખલ કરવામાં આવ્યા હતા, જ્યાં ડોક્ટરોએ તેમને મૃત જાહેર કર્યા હતા.ઘટનાની માહિતી મળતાં પૂર્ણિયાના પોલીસ અધિક્ષક સ્વીટી સેહરાવત, અનેક પોલીસ સ્ટેશનની પોલીસ સાથે તાત્કાલિક ઘટનાસ્થળે પહોંચ્યા. અનેક અગ્રણી નેતાઓ પણ હોસ્પિટલટલ દોડી ગયા. મૃતકના ભાઈ જેડીયુ નેતા નિરંજન કુશવાહાએ જણાવ્યું કે પુત્રી પહેલા ઘરમાં પડી ગઈ હતી. તેમના પિતા નવીન કુશવાહ, જે તેમને બચાવવા દોડ્યા હતા, તેઓ પણ પડી ગયા. તેમની પત્ની કંચનમાલાનું પણ આઘાતથી મૃત્યુ થયું. આટલી ગંભીર ઘટના બાદ આખો પરિવાર હજુ પણ આઘાતમાં છે.ઘટનાની જાણ થતાં, પૂર્ણિયાના સાંસદ પપ્પુ યાદવ પણ ઘટનાસ્થળે પહોંચ્યા અને પીડિતોના પરિવારજનોને મળ્યા અને તેમને સાંત્વના આપી. પપ્પુ યાદવે કહ્યું કે ત્રણેય મૃત્યુની નિષ્પક્ષ તપાસ થવી જાઈએ. તેમણે સરકાર અને વહીવટીતંત્રને નિષ્પક્ષ તપાસ કરવા અને પીડિતોના પરિવારોને ન્યાય અપાવવા અપીલ કરી.પૂર્ણિયાના પોલીસ અધિક્ષક સ્વીટી સેહરાવતે જણાવ્યું હતું કે તેમને ગઈકાલે મોડી રાત્રે ઘટનાની જાણ કરવામાં આવી હતી. તેમણે ઉમેર્યું હતું કે મૃત્યુનું સાચું કારણ પોસ્ટમોર્ટમ રિપોર્ટ અને ફોરેન્સિક તપાસ પછી જ જાણી શકાશે. તે રાત્રે એક મેડિકલ બોર્ડે ત્રણેય મૃતદેહોનું પોસ્ટમોર્ટમ કર્યું હતું. આ ઘટનાએ વિસ્તારમાં સનસનાટી મચાવી દીધી છે.
