બિહારના ભૂતપૂર્વ કેબિનેટ મંત્રી મંગણી લાલ મંડલને ઇત્નડ્ઢના નવા પ્રદેશ પ્રમુખ તરીકે ચૂંટવામાં આવ્યા છે. ગુરુવારે પટણામાં યોજાયેલી ઇત્નડ્ઢ રાજ્ય પરિષદની બેઠકમાં, મંગણી લાલ મંડલને ઔપચારિક રીતે પ્રદેશ પ્રમુખ તરીકે ચૂંટાયેલા જાહેર કરવામાં આવ્યા હતા.
પટણામાં આરજેડી રાજ્ય પરિષદની બેઠકમાં લાલુ યાદવ, રાબડી દેવી અને તેજસ્વી યાદવ પણ હાજર રહ્યા હતા. આ ઉપરાંત મીસા ભારતી સહિત પાર્ટીના ઘણા વરિષ્ઠ નેતાઓ પણ હાજર રહ્યા હતા. લાલુ યાદવ અને તેજસ્વીની હાજરીમાં, મંગણી લાલ મંડલને પ્રદેશ પ્રમુખ તરીકે ચૂંટાયેલા જાહેર કરવામાં આવ્યા હતા. મંડલ સિવાય, કોઈએ આ પદ માટે ઉમેદવારી નોંધાવી ન હતી. તેથી, તેઓ બિનહરીફ રાજ્ય પ્રમુખ બન્યા છે.
મંગણી લાલે ૮૦ વર્ષીય જગદાનંદ સિંહનું સ્થાન લીધું છે. મંડલ અત્યંત પછાત વર્ગ (ઈમ્ઝ્ર) માંથી આવે છે, જે રાજ્યની વસ્તીના ૩૬ ટકા છે. તેઓ રાજ્યમાં એક મુખ્ય રાજકીય પક્ષનું નેતૃત્વ કરનારા આ વિશાળ વસ્તી વિષયક જૂથના પ્રથમ વ્યક્તિ છે. તેજસ્વી યાદવે તેને ઐતિહાસિક ગણાવ્યું.
આરજેડીએ અગાઉ દલિત, ઓબીસી, મુસ્લિમ અને ઉચ્ચ જાતિના નેતાઓને પ્રદેશ પ્રમુખ પદ પર નિયુક્ત કર્યા છે. મંડલ એ ઇબીસી સમુદાયના પહેલા વ્યક્તિ છે. વાસ્તવમાં, રાજદ બિહાર વિધાનસભા ચૂંટણી પહેલા જાતિ સમીકરણો નક્કી કરવામાં વ્યસ્ત છે. મુસ્લિમ અને યાદવ વોટ બેંક પર પાર્ટીની સારી પકડ છે, પરંતુ જા તેને સત્તામાં આવવાનું સ્વપ્ન પૂર્ણ કરવું હોય તો તેને અન્ય જાતિઓના સમર્થનની પણ જરૂર છે.
તમને જણાવી દઈએ કે આ વર્ષે બિહારમાં વિધાનસભા ચૂંટણીઓ યોજાવાની છે. ચૂંટણી માટે છ મહિનાથી પણ ઓછો સમય બાકી છે. ચૂંટણીને ધ્યાનમાં રાખીને, તમામ પક્ષોએ તૈયારીઓ શરૂ કરી દીધી છે. પીએમ મોદી તાજેતરના સમયમાં બિહારની મુલાકાત પણ લઈ ચૂક્યા છે.
