કોંગ્રેસ નેતા કન્હૈયા કુમારે કહ્યું છે કે બિહારમાં ૧૧ બેઠકો પર જ્યાં મહાગઠબંધનના પક્ષો મૈત્રીપૂર્ણ લડાઈ લડી રહ્યા છે, ત્યાં મહાગઠબંધનના પક્ષોમાંથી ફક્ત એક જ પક્ષ જીતશે. કન્હૈયા શનિવારે પટણામાં એક ટીવી દ્વારા આયોજિત “પાવર પ્લે” કાર્યક્રમમાં બોલી રહ્યા હતા. તેમણે કહ્યું કે બિહારના લોકો પરિવર્તન માટે ઝંખે છે અને ૧૪મી પછી મહાગઠબંધન બિહારમાં સરકાર બનાવશે.હકીકતમાં, બિહારમાં ૧૧ બેઠકો પર મહાગઠબંધનની અંદરના પક્ષો વચ્ચે લડાઈ છે. બેઠકોની વહેંચણી પર કોઈ સર્વસંમતિ થઈ નથી, જેના કારણે આ પરિસ્થિતિ સર્જાઈ છે. કન્હૈયા કુમારે કહ્યું કે આ ચૂંટણીમાં અમારા માટે સંખ્યા નહીં, સહયોગ મહત્વપૂર્ણ છે. તેમણે કહ્યું કે જે બેઠકો પર મૈત્રીપૂર્ણ લડાઈ છે ત્યાં પણ જનતા મહાગઠબંધનના પક્ષના ઉમેદવારને મત આપશે જે ભાજપને હરાવી શકે. તેમણે કહ્યું કે અમે બાકીની બેઠકો પર સહકારથી લડી રહ્યા છીએ.કોંગ્રેસ નેતાએ કહ્યું કે ભાજપના નેતૃત્વ હેઠળના એનડીએ પણ ૩૦૦ બેઠકો પર ચૂંટણી લડી રહ્યું છે. તેમણે કહ્યું, “જાઓ અને જુઓ કે શું જદયુ કાર્યકરો એલજેપી ઉમેદવારને મત આપશે જ્યાં ચિરાગ પાસવાનની એલજેપી ચૂંટણી લડી રહી છે.” તેમણે કહ્યું કે ૧૧ નવેમ્બર પછી શું થશે તે કોઈને ખબર નથી. તેમણે કહ્યું કે જનતા પરિવર્તન માટે ઝંખી રહી છે, યોગ્ય વિકલ્પ શોધી રહી છે, અને અમે તે વિકલ્પ પ્રદાન કરીશું.કન્હૈયાએ આ ચૂંટણીમાં મહાગઠબંધન કેટલી બેઠકો જીતશે તે પ્રશ્નનો સીધો જવાબ આપ્યો ન હતો. તેમણે કહ્યું કે જા જનતા ખરેખર આ સરકારથી ખુશ છે, તો અમને મત માંગવાનો કોઈ નૈતિક અધિકાર નથી… પરંતુ જા તેઓ ખુશ નથી, તો સરકાર બદલો; અમે એક સારો વિકલ્પ પૂરો પાડવા માટે તૈયાર છીએ. કોંગ્રેસ નેતાએ કહ્યું કે આ ચૂંટણીમાં મુખ્ય લડાઈ મહાગઠબંધન અને એનડીએ વચ્ચે છે.બિહારથી ચૂંટણી લડવાના પ્રશ્ન પર, કન્હૈયા કુમારે કહ્યું કે તેઓ પાર્ટી જ્યાંથી ચૂંટણી લડવાનું કહેશે ત્યાંથી ચૂંટણી લડશે. જા પાર્ટી મને આંદામાન નિકોબારથી ચૂંટણી લડવાનું કહેશે, તો હું ત્યાંથી પણ ચૂંટણી લડીશ.
