મુંગેર જિલ્લાના ભીમબંધ વિસ્તારમાં ૨૦ વર્ષ પછી મતદાન થયું, જે લાંબા સમયથી નક્સલવાદના પડછાયા સાથે ઝઝૂમી રહ્યું છે. ૨૦૦૫માં પોલીસ અધિક્ષક સી. સુરેન્દ્ર બાબુ અને સાત પોલીસકર્મીઓની હત્યા બાદ અહીં મતદાન મથકો બંધ કરી દેવામાં આવ્યા હતા. જાકે, આ વખતે ત્રણ વિધાનસભા મતવિસ્તારમાં શાંતિપૂર્ણ રીતે મતદાન થયું. ગ્રામજનો ખુશ છે કે લોકશાહી હવે તેમના ઘરઆંગણે આવી ગઈ છે. મુંગેર જિલ્લાના ત્રણ વિધાનસભા મતવિસ્તારમાં સવારથી જ મતદાન પૂરજાશમાં ચાલી રહ્યું છે. નક્સલ પ્રભાવિત ભીમબંધમાં સાત મતદાન મથકો ફરી ખુલ્યા. કેન્દ્રીય સશસ્ત્ર પોલીસ દળોની ભારે તૈનાતી સાથે સુરક્ષા કડક હતી.તારાપુર વિધાનસભા મતવિસ્તારના બૂથ નંબર ૩૧૦ માં વન વિભાગના રેસ્ટ હાઉસમાં ૩૭૪ મતદારો નોંધાયેલા છે, જેમાં ૧૭૦ મહિલાઓનો સમાવેશ થાય છે. તે બધાએ ખચકાટ વિના મતદાન કર્યું. ૮૧ વર્ષીય મતદાર વિષ્ણુ દેવ સિંહે ૨૦ વર્ષ પછી મતદાન કર્યા પછી ખુશી વ્યક્ત કરી. તેમણે કહ્યું, “૨૦૦૫ પહેલા, અમે અમારા ગામમાં મતદાન કરતા હતા, પરંતુ નક્સલી હુમલાઓને કારણે, મતદાન મથક ૨૦ કિલોમીટર દૂર ખસેડવામાં આવ્યું. વૃદ્ધો અને મહિલાઓ માટે આટલી દૂર મુસાફરી કરવી મુશ્કેલ હતી. આજે, ૨૦ વર્ષ પછી, અમારા ગામમાં મતદાન થયું. અમે ખૂબ ખુશ છીએ.” તેમણે ચૂંટણી પંચ અને સરકારનો આભાર માન્યો.૧૮ વર્ષીય બાદલ પ્રતાપે, જેમણે પહેલી વાર મતદાન કર્યું, ઉત્સાહથી કહ્યું, “૨૦ વર્ષ પછી અમારા ગામમાં મતદાન થઈ રહ્યું છે. મને લોકશાહીમાં ભાગ લેવાની તક મળી તેનો મને ખૂબ આનંદ છે.” અન્ય એક ગ્રામીણ, દિલખુશ, એ કહ્યું કે મતદાન મથક પરત આવવાથી લોકશાહી મજબૂત થશે જ નહીં પરંતુ વિસ્તારમાં વિકાસ અને શિક્ષણના નવા દરવાજા પણ ખુલશે. મહિલા મતદાર નીલા દેવીએ રાહતનો શ્વાસ લેતા કહ્યું, “પહેલાં, અમે મતદાન કરવા માટે જંગલ પાર કરતા હતા. હવે બૂથ નજીક છે, સુવિધાઓ વધુ સારી છે, અને અમે સુરક્ષિત અનુભવીએ છીએ.”સેક્ટર મેજિસ્ટ્રેટ અશોક કુમારે પુષ્ટિ આપી કે મતદાન શાંતિપૂર્ણ રીતે થયું છે. તેમણે કહ્યું, “આ વિસ્તારમાં ૨૦ વર્ષ પછી મતદાન થયુંં છે, અને ગ્રામજનોના ચહેરા પર ખુશી સ્પષ્ટપણે દેખાય છે. કેન્દ્રીય દળો તૈનાત છે અને સતત પેટ્રોલિંગ ચાલુ રહ્યું હતું.” મતદાન મથક પર હાજર એક સરકારી અધિકારીએ કહ્યું, “અમે લોકોનો વિશ્વાસ પુનઃસ્થાપિત કરવા માટે તમામ પ્રયાસો કર્યા. અમે તેમને સલામત મતદાન અનુભવની ખાતરી આપી. મહત્તમ ભાગીદારી સુનિશ્ચિત કરવા માટે જાગૃતિ અભિયાન ચલાવવામાં આવ્યા.” બીજા એક ગ્રામવાસી કહે છે, “પહેલાં પરિસ્થિતિ સારી નહોતી, પરંતુ હવે શાંતિ છે. સુરક્ષા શિબિરો અને સરકારી સુવિધાઓએ જીવન સરળ બનાવ્યું છે. લોકો જંગલમાં શાંતિથી રહી રહ્યા છે, અને બાળકો અને વૃદ્ધો ખુશીથી મતદાન કર્યું બિહાર ચૂંટણીના પ્રથમ તબક્કા માટે મતદાન સવારે ૭ વાગ્યે ૧૮ જિલ્લાઓની ૧૨૧ બેઠકો પર શરૂ થયું. બાકીની ૧૨૨ બેઠકો માટે મતદાન ૧૧ નવેમ્બરે થશે અને પરિણામો ૧૪ નવેમ્બરે જાહેર કરવામાં આવશે
