બાંગ્લાદેશ અવામી લીગ પાર્ટીના પ્રમુખ અને ભૂતપૂર્વ વડાપ્રધાન શેખ હસીનાએ અમેરિકી રાષ્ટ્રપતિની ચૂંટણીમાં ઐતિહાસિક જીત નોંધાવવા બદલ ડોનાલ્ડ ટ્રમ્પને અભિનંદન પાઠવ્યા છે. શેખ હસીનાએ લખ્યું છે કે ટ્રમ્પને અમેરિકાના ૪૭માં રાષ્ટ્રપતિ તરીકે ચૂંટાવા પર અભિનંદન. અમેરિકી ચૂંટણીમાં જારદાર પુનરાગમન અને વિજય તેમના અદભૂત નેતૃત્વ અને અમેરિકનો તરફથી તેમને મળેલા વિશ્વાસનું પ્રતિક છે.
ટ્રમ્પને અભિનંદન આપતાં શેખ હસીનાએ તેમની સાથેની ઘણી બેઠકો અને વાતચીતોને યાદ કરી. જ્યારે ડોનાલ્ડ પહેલીવાર અમેરિકાના રાષ્ટ્રપતિ બન્યા અને મેલાનિયા ટ્રમ્પ પણ તેમને મળ્યા હતા. તેમણે આશા વ્યક્ત કરી કે ટ્રમ્પના પુનઃ ચૂંટાયા બાદ અમેરિકા અને બાંગ્લાદેશ વચ્ચે ફરી એકવાર મૈત્રીપૂર્ણ સંબંધો સ્થાપિત થશે. તેમણે આશા વ્યક્ત કરી કે આવનારા સમયમાં તે અમેરિકા સાથે દ્વિપક્ષીય અને બહુપક્ષીય હિતો અનુસાર કામ કરશે.
શેખ હસીનાએ ટ્રમ્પ અને તેમના પરિવારના સારા સ્વાસ્થ્યની પણ શુભેચ્છા પાઠવી હતી. અમેરિકન લોકોની શાંતિ, વિકાસ અને સમૃદ્ધિ માટે પણ શુભેચ્છા પાઠવી હતી. શેખ હસીનાના આવા સંદેશથી તે સ્પષ્ટ છે કે બાંગ્લાદેશ ચળવળમાં તેમની ઉદાસીનતા અને કથિત વિશ્વાસઘાતને કારણે બિડેનને જે રીતે સત્તામાંથી હટવું પડ્યું હતું તેનાથી વિપરીત, હસીનાને ટ્રમ્પ પાસેથી મદદ મળવાની અપેક્ષા છે. આવી સ્થિતિમાં સવાલ એ છે કે શું હસીના માટે બાંગ્લાદેશમાં સત્તામાં વાપસીનો માર્ગ ખુલી શકે છે?
