બગસરાની સેન્ટ મેરી સ્કૂલમાં વિદ્યાર્થી પરિષદના નવા પદાધિકારીઓનો સત્તાવાર પદવીદાન સમારોહ યોજાયો હતો. આ સમારોહમાં હેડ બોય, હેડ ગર્લ અને હાઉસવાઈઝ કેપ્ટન તેમજ વાઈસ કેપ્ટન તરીકે નિમાયેલા વિદ્યાર્થીઓએ તેમની ફરજો જવાબદારીપૂર્વક અને નિષ્ઠાપૂર્વક બજાવવા માટે શપથ લીધા હતા. આ પ્રસંગે ગુજરાત રાજ્ય અને જિલ્લા સ્તરના પુરસ્કાર વિતરણનું પણ આયોજન કરવામાં આવ્યું હતું. શાળાના પૂર્વ વિદ્યાર્થી વાળા દેવકુમાર આશિષભાઈનું SSC બોર્ડ પરીક્ષામાં રેન્ક હોલ્ડર તરીકે ઉત્તીર્ણ થવા બદલ સન્માન કરાયું હતું. આ ઉપરાંત, હાલ શાળામાં અભ્યાસ કરતા બસિયા મલયરાજ ગૌતમભાઈનું ગુજરાત રાજ્ય કક્ષાની કરાટે ચેમ્પિયનશિપમાં દ્વિતીય સ્થાન મેળવવા બદલ સન્માન કરવામાં આવ્યું હતું. આ બંને વિદ્યાર્થીઓએ સેન્ટ મેરી સ્કૂલ, બગસરાને ગુજરાત રાજ્યમાં ગૌરવ અપાવ્યું છે. આ દિવસના મુખ્ય મહેમાન જ્યોત્સનાબેન અરવિંદભાઈ રીબડીયા હતા.
