મલયાલમ સુપરસ્ટાર ફહાદ ફાસિલ, જે ‘પુષ્પા ૨’ માં તેમના શાનદાર અભિનય માટે જાણીતા છે. અભિનેતા હાલમાં તેમની આગામી ફિલ્મ ‘મૈરીસન’ના પ્રમોશનમાં વ્યસ્ત છે. અભિનેતાએ એક ઇન્ટરવ્યુમાં તેમની નિવૃત્તિ યોજનાની ચર્ચા કરી અને કહ્યું કે ફિલ્મો પછી, તે ડ્રાઇવર બનવા અને ઉબેર ચલાવવા માંગે છે.
તાજેતરમાં, અભિનેતા ફહાદ ફાસિલે એક ઇન્ટરવ્યુમાં હાજરી આપી હતી. વાતચીત દરમિયાન, અભિનેતાને પૂછવામાં આવ્યું કે શું તે હજુ પણ બાર્સેલોનામાં ઉબેર ચલાવવાનું સપનું જુએ છે? આના જવાબમાં, અભિનેતાએ કહ્યું કે તે થોડા દિવસો પહેલા બાર્સેલોનામાં હતો. તેણે એમ પણ કહ્યું કે તે લોકોને તેમના ગંતવ્ય સ્થાન પર લઈ જવાનું પસંદ કરે છે, જે એક સુંદર વાત છે. અભિનેતાએ કહ્યું કે જ્યારે તેને તક મળે છે, ત્યારે તે તે કરે છે. તેને ફક્ત ડ્રાઇવિંગ જ પસંદ નથી, પણ લોકોને એક જગ્યાએથી બીજી જગ્યાએ લઈ જવામાં પણ આનંદ આવે છે.
અભિનેતાએ ૨૦૨૦માં એક ઇન્ટરવ્યુનો પણ ઉલ્લેખ કર્યો, જેમાં તેણે કહ્યું, ‘હાલમાં, મને ઉબેર ડ્રાઇવર બનવા સિવાય બીજું કંઈ કરવામાં મજા નથી આવતી. મને લોકોને ડ્રાઇવિંગ કરવાનું ગમે છે. હું મારી પત્નીને કહું છું કે નિવૃત્તિ યોજના તરીકે, હું બાર્સેલોના જવા માંગુ છું અને લોકોને સ્પેનમાં ફરવા માંગુ છું. તેણીને આ યોજના ખૂબ ગમે છે.’
ફહાદ ફાસિલના કાર્યક્ષેત્ર વિશે વાત કરીએ તો, તે છેલ્લે ‘પુષ્પા ૨ઃ ધ’ રૂલમાં જાવા મળ્યો હતો, જેમાં તેણે એક ઇન્સ્પેક્ટરની ભૂમિકા ભજવી હતી. તે જ સમયે, અભિનેતાની આગામી ફિલ્મો વિશે વાત કરીએ તો, તે ‘મૈસન’માં જાવા મળશે.
