અમિતાભ બચ્ચનની જાણીતી, લોકપ્રિય અને સફળ ફિલ્મ ‘ભૂતનાથ’નો ત્રીજા ભાગ બનવાની તૈયારી શરૂ થઈ ગઈ હોવાના સમાચાર છે. આ ફિલ્મમાં બિગ બીએ એક પ્રેમાળ ભૂતની ભૂમિકા ભજવીને દર્શકોના દિલ જીતી લીધા હતા. જાકે હાલ આ ફિલ્મ પ્રારંભિક સ્ટેજમાં છે. આ ફિલ્મનું શૂટિંગ ૨૦૨૫માં શરૂ કરવામાં આવશે અને ૨૦૨૬માં ફિલ્મને રિલીઝ કરવાની યોજના છે. ફિલ્મની સ્ક્રિપ્ટ પર કામ શરૂ થઈ ગયું છે.
રસપ્રદ વાત તો એ છે કે, શાહરૂખ ખાને ભૂતનાથના બંને ભાગમાં કેમિયો કર્યો હતો. પરંતુ હવે નિર્માતા ઈચ્છે છે કે, આ વખતે ત્રીજા હિસ્સામાં અભિનેતાનો રોલ વધુ લંબાવવામાં આવે. જાકે આ અંગેનો આખરી નિર્ણય સ્ક્રિપ્ટ પૂરી થાય પછી લેવામાં આવશે.
‘ભૂતનાથ ૩’ હજી પ્રારંભિક સ્ટેજમાં હોવાથી ફિલ્મની અન્ય કાસ્ટ વિશે કોઈ નિર્ણય લેવામાં આવ્યો નથી. સ્ક્રિપ્ટ પૂરી થાય પછી જ ફિલ્મને લગતા વિવિધ નિર્ણયો લેવામાં આવશે.
