પ્રોપર્ટી કાર્ડ કઢાવવા માટે એક વ્યક્તિ પાસેથી એક લાખ રૂપિયાની લાંચ લેતા ગીર સોમનાથના સીનીયર સર્વેયરની ACB અધિકારીઓએ ધરપકડ કરી છે. આ કેસની વિગત મુજબ ગીર સોમનાથ જિલ્લાની એસ.એલ.આર કચેરીમાં ફરિયાદીએ પ્રોપર્ટીકાર્ડ કઢાવવા માટે પ્રમોલગેશનની અરજી આપી હતી.
જે અરજી મંજૂર કરવાની કાર્યવાહી કરવાના ગીર સોમનાથના ઈણાજ સ્થિત એસ.એલ.આર.કચેરીના સીનીયર સર્વેયર રાવત રામભાઈ સીસોદિયાએ ફરિયાદી પાસે રૂ.૧,૫૦,૦૦૦/- ની ગેરકાયદેસર લાંચની માંગણી કરી હતી.આ બાબતે રકઝકના અંતે સીસોદિયાએ રૂ.૧,૩૦,૦૦૦ માં કામ કરી આપવાનું નક્કી કર્યું હતું.
જે પૈકી રૂ.૧,૦૦,૦૦૦ આજરોજ ફરિયાદી પાસે મંગાવેલ અને બાકીના રૂ.૩૦,૦૦૦ પછીથી આપવાનું કહેલ.આમ, ફરીયાદ લાંચની રકમ આપવા માગતાં ન હોય ફરીયાદએ ગીર સોમનાથ એ.સી.બી.પો.સ્ટે.નો સંપર્ક કર્યો હતો. જેમાં આજ રોજ ફરીયાદીની ફરીયાદ આધારે એસ.એલ.આર.ઓફીસ, કલેક્ટર કચેરી બિલ્ડીંગ ખાતે લાંચના છટકાનું આયોજન કર્યું હતું. જેમાં સીનીયર સર્વેયર ૧ લાખની લાંચ લેતા ઝડપાઈ ગયો હતો.
