નવા વર્ષની ઉજવણી માટે જમ્મુ-કાશ્મીરથી ઉત્તરાખંડ અને હિમાચલ પ્રદેશમાં મોટી સંખ્યામાં પ્રવાસીઓ આવી રહ્યા છે. આ રાજ્યોમાં ભારે હિમવર્ષાના કારણે પ્રવાસીઓમાં ભારે ઉત્સાહ છે હાલમાં હિમચાલમાં હોટલો બુક થઇ ગઇ છે જોકે પરંતુ સ્થાનિક જનજીવન પ્રભાવિત થયું છે. જમ્મુ-કાશ્મીર સરકારે ભારે હિમવર્ષાને પગલે સેવાઓ પુનઃસ્થાપિત કરવા માટે લોકો અને મશીનરી તૈનાત કરી છે. પહાડો પર પડી રહેલ બરફ અને મેદાનોમાં બે દિવસથી ઝરમર વરસાદ વચ્ચે નવા વર્ષ પર દિલ્હી-એનસીઆર સહિત સમગ્ર ઉત્તર ભારતમાં શિયાળાની કઠોરતા વધવાની છે. દિલ્હીના નાઈટ શેલ્ટરમાં લોકો હાલમાં પોતાને ગરમ વસ્ત્રોમાં ઢાંકીને ઠંડીથી બચાવી રહ્યા છે.
હવામાન વિભાગના જણાવ્યા અનુસાર આગામી દિવસોમાં સમગ્ર ઉત્તર ભારતમાં થીજવી દેતી ઠંડી પડવાની છે. જા દિલ્હી, પંજાબ, હરિયાણા અને રાજસ્થાનમાં તાપમાનમાં ઘટાડો થશે તો નવા વર્ષનું સ્વાગત કડકડતી ઠંડી સાથે થઈ શકે છે. હિમાચલ પ્રદેશ અને ઉત્તરી રાજ્યોમાં પણ ગાઢ ધુમ્મસની સંભાવના છે. તેની અસર અયોધ્યાની આ તસવીર જાયા બાદ દેખાય છે. ઠંડી વધવાની સાથે શહેરમાં ધુમ્મસની ચાદર છવાઈ ગઈ છે.
અહીં, બે દિવસ પહેલા કાશ્મીરના ઘણા ભાગોમાં ભારે હિમવર્ષા પછી, નવા વર્ષની ઉજવણી કરવા માટે મોટી સંખ્યામાં પ્રવાસીઓ આવવા લાગ્યા છે. હવામાન વિભાગે નવા વર્ષ નિમિત્તે ફરીથી કાશ્મીરમાં ભારે હિમવર્ષાનું એલર્ટ જાહેર કર્યું છે. જાકે સારી વાત એ છે કે રસ્તાઓ પર પહેલેથી જ જમા થયેલો બરફ સાફ થઈ ગયો છે. શ્રીનગર જમ્મુ હાઈવે પર પણ વાહનવ્યવહાર પૂર્વવત કરવામાં આવ્યો છે.
હિમાચલ પ્રદેશમાં બે દિવસના વરસાદ અને હિમવર્ષા બાદ ઠંડીનું મોજુ યથાવત છે. રાજ્યના મોટાભાગના વિસ્તારોમાં તાપમાન સામાન્ય કરતા ઓછું રહ્યું હતું. લાહૌલ સ્પીતિમાં તાબો સૌથી ઠંડું હતું, જ્યાં રાÂત્રનું તાપમાન -૧૨.૩ ડિગ્રી સેÂલ્સયસ નોંધાયું હતું. દરમિયાન, અટલ ટનલ અને સોલાંગ ખીણ તરફ જતા માર્ગો પર ટુ વ્હીલર પર સવાર પ્રવાસીઓને પાછા મોકલવામાં આવી રહ્યા છે. વાસ્તવમાં, હિમવર્ષા પછી, રસ્તાઓ પર કાળો બરફ જમા થયો છે જેના કારણે પોલીસે ટુ વ્હીલર્સને આગળ વધતા અટકાવી દીધા છે કારણ કે અહીં ટુ વ્હીલર્સ સતત લપસી રહ્યા છે.
કડકડતી ઠંડી વચ્ચે લાહૌલ સ્પીતિ જિલ્લાના સિસુમાં હવામાન ખુલતાની સાથે જ રસ્તા પરથી બરફ હટાવવાનું કામ શરૂ કરી દેવામાં આવ્યું છે. અહીં લોકો ઘરોની છત પર જમા થયેલો બરફ પણ હટાવી રહ્યા છે. મનાલી-લેહ નેશનલ હાઈવે નજીક ગોંડલામાં ઘરોની છત પર એક ફૂટથી વધુ બરફ જમા થયો છે. ૪ દિવસ પછી, જ્યારે હવામાન સાફ થયું, ત્યારે પર્વતો ચાંદી જેવા દેખાતા હતા અને લોકોએ છત પરથી બરફ હટાવવાનું શરૂ કર્યું.
ઉત્તરાખંડમાં, પર્વતીય શિખરો પર સતત હિમવર્ષા અને તૂટક તૂટક હળવો વરસાદ તેમજ નીચલા વિસ્તારોમાં ફૂંકાતા ઠંડા પવનોને કારણે મોટાભાગના પર્વતીય જિલ્લાઓ તીવ્ર ઠંડીની ઝપેટમાં છે. ઔલી, હરસિલ, હેમકુંડ સાહિબ, ચોપતા, દયારા, લોખંડી, સુક્કી ટોપ, મુન્સીયારી અને પિથોરાગઢના ઊંચા શિખરો પર બરફની ચાદર છવાયેલી છે. ચીન સરહદને જાડતો જાશીમઠ-નીતી હાઈવે પણ સુરાઈથોથાથી આગળ બંધ છે, જ્યારે કેદારનાથ અને બદ્રીનાથને જાડતો ચમોલી-કુંડ રાષ્ટ્રીય ધોરીમાર્ગ ધોતીધર અને મક્કુ બેન્ડ વચ્ચે બંધ છે.
હિમવર્ષા બંધ થયા બાદ કારગિલ, લદ્દાખ અને ઝોજિલામાં લોકોએ પણ બરફ સાફ કરવાનું શરૂ કર્યું. કનેક્ટિવિટી સુધારવા માટે રસ્તાઓ પરથી બરફ હટાવવામાં આવી રહ્યો છે. અહીં ઉત્તરાખંડમાં પણ હિમવર્ષાના કારણે લોકો પરેશાન છે. કેદારનાથ ધામમાં બરફની સફેદ ચાદર છવાઈ ગઈ છે. મંદિર બરફથી ઢંકાયેલું છે અને કેદારનાથ મંદિર પરિસરમાં અનેક ફૂટ બરફ છે. ઉત્તરાખંડના ડિઝાસ્ટર વિભાગે ચમોલી જિલ્લામાં તીવ્ર બર્ફીલા પવનની ચેતવણી જારી કરી છે.
