દક્ષિણ ભારતીય ફિલ્મ ઉદ્યોગમાંથી ખરાબ સમાચાર આવ્યા છે. પ્રખ્યાત મલયાલમ અભિનેતા અખિલ વિશ્વનાથનું ૩૦ વર્ષની ઉંમરે અવસાન થયું છે. એવું કહેવામાં આવી રહ્યું છે કે અભિનેતાએ ૧૧ ડિસેમ્બરે આત્મહત્યા કરી હતી. તેમનો મૃતદેહ કેરળ સ્થિત તેમના ઘરેથી મળી આવ્યો હતો. અખિલ વિશ્વનાથના મૃત્યુના સમાચારથી તેમના પ્રિયજનો અને ચાહકો ખૂબ જ હચમચી ગયા છે, જેઓ શોક વ્યક્ત કરી રહ્યા છે. ચાહકો સોશિયલ મીડિયા દ્વારા અભિનેતાને શ્રદ્ધાંજલિ આપી રહ્યા છે.મનોરમા ઓનલાઈન અનુસાર, અખિલ વિશ્વનાથનો મૃતદેહ કેરળ સ્થિત તેમના ઘરેથી મળી આવ્યો છે. એવું જાણવા મળ્યું છે કે જ્યારે અખિલની માતા ગીતા કામ માટે તૈયાર થઈ રહી હતી, ત્યારે તેમને તેમના પુત્રનો મૃતદેહ તેમના ઘરમાં લટકતો મળ્યો. તેમના પુત્રના મૃતદેહને આ હાલતમાં જાઈને તે આઘાતમાં છે. અખિલના પિતા, ચુંકલ ચેન્ચેરીવલ્લપ્પિલ, ત્રણ મહિના પહેલા રોડ અકસ્માતનો ભોગ બન્યા હતા અને તેમની સારવાર ચાલી રહી છે.અખિલ વિશ્વનાથ તેમની ફિલ્મ “ચોલા” માટે જાણીતા છે. સનલ કુમાર શશિધરન દ્વારા દિગ્દર્શિત, અખિલે આ ફિલ્મમાં મુખ્ય ભૂમિકા ભજવી હતી. ૨૦૧૯ માં રિલીઝ થયેલી આ મલયાલમ મનોવૈજ્ઞાનિક નાટક, તે જ વર્ષે કેરળ રાજ્ય ફિલ્મ પુરસ્કારોમાં એવોર્ડ પણ જીત્યું હતું. અખિલે બાળ કલાકાર તરીકે પોતાની કારકિર્દીની શરૂઆત “મંગંદી” માં કરી હતી. આ ફિલ્મમાં તેનો ભાઈ અરુણ પણ દેખાયો હતો, અને બંને ભાઈઓને તેમના અભિનય માટે રાજ્ય સરકાર તરફથી શ્રેષ્ઠ બાળ કલાકારનો એવોર્ડ મળ્યો હતો.હાલમાં, અખિલ વિશ્વનાથના મૃત્યુનું કોઈ ચોક્કસ કારણ બહાર આવ્યું નથી. અહેવાલો સૂચવે છે કે અભિનેતાએ આત્મહત્યા કરી હતી, અને તેનો મૃતદેહ તેના ઘરમાં ફાંસીથી લટકતો મળી આવ્યો હતો. અખિલના આત્યંતિક પગલાનું હજુ સુધી કોઈ કારણ બહાર આવ્યું નથી. અખિલ એક અભિનેતા હોવા છતાં, તે તેના પરિવારને ટેકો આપવા માટે મોબાઇલ શોપમાં પાર્ટ-ટાઇમ કામ પણ કરતો હતો. જાકે, તે કેટલાક સમયથી મોબાઇલ શોપ પર જતો ન હતો.
