ગ્લોબલ પોપ આઇકન એનરિક ઇગ્લેસિયસ, જે સ્પેનિશ ગાયક અને ગીતકાર છે. એક દાયકાથી વધુ સમય પછી, તે ફરીથી ભારતમાં એક શાનદાર પર્ફોર્મન્સ આપવા માટે તૈયાર છે. પોપ પ્રેમીઓ માટે આ એક મોટા સમાચાર છે. ૧૩ વર્ષ પછી, ગાયક ફરી એકવાર ભારતમાં પોતાના ગાયનથી ચાહકોનું મનોરંજન કરતો જાવા મળશે.
પોપ સંગીતના સૌથી પ્રભાવશાળી ગાયક-ગીતકાર, એનરિક ઇગ્લેસિયસ ૩૦ ઓક્ટોબર ૨૦૨૫ ના રોજ ભારતમાં એક કોન્સર્ટનું આયોજન કરશે. આ કાર્યક્રમ મુંબઈના બાંદ્રા કુર્લા કોમ્પ્લેક્સમાં સ્થિત સ્સ્ઇડ્ઢછ ગ્રાઉન્ડ્સ ખાતે યોજાવાનો છે. તે જ સમયે, આ કાર્યક્રમ ઈફછ લાઇવ અને બીઇડબ્લ્યુ લાઇવના સહયોગથી આયોજિત કરવામાં આવશે. આ સાથે, અમે તમને જણાવી દઈએ કે આ કોન્સર્ટ એનરિક ઇગ્લેસિયસના વૈશ્વિક પ્રવાસનો એક ભાગ છે. વર્ષ ૨૦૧૨ પછી એનરિક ઇગ્લેસિયસનો આ ભારત પ્રવાસ અદભુત બનવાનો છે અને તેમાં મોટી સંખ્યામાં દર્શકો પહોંચવાની અપેક્ષા છે.
એનરિક ઇગ્લેસિયસ ૨૦૧૨માં એટલે કે ૧૩ વર્ષ પહેલાં ભારત આવ્યા હતા. આ સમય દરમિયાન તેમણે ત્રણ શહેરો, મુંબઈ, પુણે અને બેંગ્લોરમાં કોન્સર્ટ કર્યા હતા અને તેને દર્શકો માટે યાદગાર બનાવ્યો હતો. હવે ઇવા લાઇવના સ્થાપક અને મેનેજિંગ ડિરેક્ટર દીપક ચૌધરીએ કહ્યું હતું કે એનરિકને ભારત પરત લાવવો એ એક ઐતિહાસિક ક્ષણ છે. તેમણે એમ પણ કહ્યું હતું કે આ અંગે ચાહકોમાં ખુશીની લહેર છે અને તે ખૂબ જ શાનદાર બનવાનું છે. આ આગામી કોન્સર્ટ મનોરંજન ક્ષેત્રે ભારતને વિશ્વમાં એક અલગ ઓળખ આપશે.
એનરિક ઇગ્લેસિયસ એક સ્પેનિશ ગાયક, ગીતકાર અને અભિનેતા છે. તેઓ પોપ સંગીત માટે વિશ્વભરમાં જાણીતા છે. એનરિક ‘રિધમ ડિવાઇન’ અને ‘બેલેમોસ’ જેવા હિટ ગીતો માટે પ્રખ્યાત છે.
