છેલ્લા કેટલાક સમયથી ઈઝરાયલ અને પેલેસ્ટાઈન વચ્ચે યુદ્ધ ચાલી રહ્યુ છે. ત્યારે યુદ્ધમાં બંન્ને દેશોના સમર્થનમાં અનેક લોકોએ રેલીઓ કાઢી હતી. જેમાં ગુજરાતમાં પેલેસ્ટાઈનના સમર્થનમાં ઝંડો લઈને નીકળેલા કેટલાક તત્વોનો વીડિયો સોશિયલ મીડિયા પર વાયરલ થઈ રહ્યો છે.
પેલેસ્ટાઈનના સમર્થનનો વધુ એક વીડિયો સામે આવ્યો છે. જેમાં બાઈક પર પેલેસ્ટાઈનના ઝંડા લગાવીને કેટલાક યુવકો ફરતા નજરે પડી રહ્યા છે. ત્યારે હવે આ મામલે મામલે એસપી રાહુલ ત્રિપાઠીએ કહ્યું કે, વાયરલ વીડિયો મામલે ટીમ તપાસ કરી રહી છે. યુવકો મોરબીના હોવાનું સામે આવ્યું છે અને વીડિયો કચ્છમાં બનાવ્યો હોવાની માહિતી મળી છે.
જામનગરમાં પણ કેટલાક તત્વો દ્વારા પેલેસ્ટાઈન સમર્થમાં રેલી કાઢી હોવાનો વીડિયો સામે આવ્યો હતો. જેમાં વિધર્મી યુવકોએ પોતાના વાહન પર પેલેસ્ટાઈનનો ઝંડો લગાવ્યો હતો. જાકે આ મામલે પોલીસે કાર્યવાહી પણ કરી હતી. પોલીસે વાહનો જપ્ત કરવા સહિતની કાયદાકીય કાર્યવાહી હાથ ધરી હતી. તો ગુજરાતમાં આ પહેલી ઘટના નથી. તાજેતરમાં પણ રાજકોટમાં આવા જ દ્રશ્યો સામે આવ્યા હતા. જ્યાં ઈઝરાયલના વિરોધમાં પોસ્ટર્સ લાગ્યા હતા. રસ્તા પર કચડાય તે રીતે ઈઝરાયલના ઝંડાના પોસ્ટર લગાવાયા હતા. જાકે સમગ્ર બાબતને લઈને પોલીસે ૪ શખ્સોની અટકાયત કરીને પૂછપરછ કરાઈ હતી.
