છત્તીસગઢમાં બે વરિષ્ઠ નેતાઓની મુલાકાત બાદ રાજ્યના રાજકારણમાં ગરમાવો આવી ગયો છે. છત્તીસગઢ કોંગ્રેસના અગ્રણી નેતા અને રાજ્યના પૂર્વ ડેપ્યુટી સીએમ ટીએસ સિંહદેવ અને ભાજપ સરકારના ડેપ્યુટી સીએમ વિજય શર્મા કવર્ધા રેસ્ટ હાઉસમાં મળ્યા હતા. આ મુલાકાતમાં બંને નેતાઓ વચ્ચે લગભગ ૧૫ મિનિટ સુધી વાતચીત થઈ હતી. જા કે, શું થયું તે જાહેર કરવામાં આવ્યું નથી. આ બંનેની બેઠક દરમિયાન ધારાસભ્યો પણ હાજર હતા.
વાસ્તવમાં, કવર્ધાના લોહારીડીહ હત્યાકાંડ બાદ ડેપ્યુટી સીએમ વિજય શર્મા પરિવારના સભ્યોને મળવા પહોંચ્યા હતા. આ દરમિયાન તેઓ થોડો સમય રેસ્ટ હાઉસમાં રહ્યા હતા. ટી.એસ.સિંહદેવ પણ આ જ વિશ્રામ ગૃહમાં હાજર હતા. બંને નેતાઓ વચ્ચેની આ અચાનક મુલાકાતને લઈને લોકોએ વિવિધ પ્રકારની ચર્ચાઓ શરૂ કરી દીધી છે. ડેપ્યુટી સીએમ વિજય શર્માએ પણ ટીએસ સિંહદેવનું સ્વાગત કર્યું હતું.
૧૫મી સપ્ટેમ્બરે લોહારીડીહમાં આગચંપીની ઘટના બની હતી. જે બાદ આ મામલે રાજકારણ ગરમાયું હતું. બુધવારે છત્તીસગઢના પૂર્વ ડેપ્યુટી સીએમ કવર્ધાની મુલાકાતે હતા. સિંહદેવ લોહારીડીહ કેસમાં જેલમાં બંધ લોકોને મળ્યા હતા. આ દરમિયાન ટીએસ સિંહદેવે કહ્યું- આ મામલામાં રાજકારણ ન હોવું જાઈએ. જનપ્રતિનિધિઓની જવાબદારી છે કે તેઓ લોકોની સમસ્યાઓ સાંભળે અને તેમના માટે ન્યાયની માંગ કરે.
વિજય શર્માએ પણ ટી.એસ.સિંહદેવના વખાણ કર્યા હતા. મીડિયા સાથેની વાતચીત દરમિયાન વિજય શર્માએ જણાવ્યું હતું કે સિંહદેવ જ્યારે કોંગ્રેસ સરકારમાં મંત્રી હતા ત્યારે તેમણે ગ્રામીણ વિકાસ મંત્રી પદ પરથી રાજીનામું આપી દીધું હતું કે કોંગ્રેસ સરકાર ગરીબોને પીએમ આવાસનો લાભ આપી રહી નથી. ગરીબો માટે આવાસ ઉપલબ્ધ કરાવવાના તેમના પ્રયાસો માટે હું તેમને અભિનંદન આપું છું.
વિજય શર્માએ જણાવ્યું હતું કે રાજ્યમાં ભાજપની સરકાર આવ્યા બાદ સૌથી પહેલો નિર્ણય ગરીબોને આવાસ આપવાનો લેવામાં આવ્યો હતો. છત્તીસગઢમાં ૯ લાખ ૩૭ હજાર ઘરો છે. આ માટેનો પ્રથમ હપ્તો પણ બહાર પાડવામાં આવ્યો છે. તેમણે કહ્યું કે અમારી સરકારે બે લાખથી વધુ મકાનો પૂરા કર્યા છે.
