૭૧મા રાષ્ટ્રીય ફિલ્મ પુરસ્કારોની જાહેરાત કરવામાં આવી હતી, જેમાં શાહરૂખ ખાનને ‘જવાન’ માટે સંયુક્ત રીતે શ્રેષ્ઠ અભિનેતાનો પુરસ્કાર અને ‘૧૨મા ફેઇલ’ માટે વિક્રાંત મેસીને સંયુક્ત રીતે શ્રેષ્ઠ અભિનેતાનો પુરસ્કાર મળ્યો છે. એવોર્ડ વિજેતાઓની યાદી જાહેર થયા પછી, શાહરૂખ ખાને સોશિયલ મીડિયા પર તેના વિશે ખુશી વ્યક્ત કરી છે. તેમણે એક ભાવનાત્મક વિડિઓ પોસ્ટ કર્યો અને માહિતી અને પ્રસારણ મંત્રાલયનો આભાર માન્યો. શાહરૂખ ખાને સોશિયલ મીડિયા પર ૨ મિનિટ ૧૭ સેકન્ડનો એક વીડિયો શેર કર્યો છે, જેમાં તે શ્રેષ્ઠ અભિનેતાની શ્રેણીમાં રાષ્ટ્રીય પુરસ્કાર મેળવવાની ખુશી વ્યક્ત કરતો જાવા મળી રહ્યો છે, પરંતુ ચાહકોએ વીડિયોમાં કંઈક એવું જાયું, જેના કારણે તેઓ સુપરસ્ટાર વિશે ચિંતિત થઈ ગયા. ખરેખર, શાહરૂખ વીડિયોમાં તેના હાથ પર પાટો બાંધેલો જાવા મળે છે.
શાહરૂખ ખાનને તેના ૩૩ વર્ષના ફિલ્મી કારકિર્દીમાં પહેલો રાષ્ટ્રીય પુરસ્કાર મળ્યો છે, જેના માટે તે પોતાની ખુશી વ્યક્ત કરતો જાવા મળ્યો હતો. વીડિયોમાં, સુપરસ્ટાર કહે છે- ‘નમસ્કાર, આદાબ! રાષ્ટ્રીય પુરસ્કારથી સન્માનિત થવું એ મારા માટે એક એવી ક્ષણ છે જેને હું મારા આખા જીવન દરમિયાન યાદ રાખીશ. હું આ સન્માન માટે જ્યુરી, ચેરમેન અને માહિતી અને પ્રસારણ મંત્રાલયનો આભાર માનું છું, અને તે બધાનો પણ આભાર માનું છું જેમણે મને આ સન્માન માટે લાયક માન્યું. મારી પત્ની અને બાળકો, જેમણે મને ૪ વર્ષ સુધી આટલો પ્રેમ અને સંભાળ આપી, જાણે હું ઘરનો બાળક હોઉં.’ શાહરુખ ખાન તેના વીડિયોમાં આગળ કહે છે- ‘મારો પરિવાર સારી રીતે જાણે છે કે સિનેમા પ્રત્યેનો મારો જુસ્સો મને તેમનાથી દૂર લઈ જાય છે, પરંતુ તેઓ તેને સ્મિત સાથે સહન કરે છે. હું આ માટે તેમનો ખૂબ આભારી છું. રાષ્ટ્રીય પુરસ્કાર ફક્ત એક સિદ્ધિ નથી, તે મને યાદ અપાવે છે કે મારું કાર્ય મહત્વનું છે. તે મને સંદેશ આપે છે કે મારે મારું કાર્ય ચાલુ રાખવું પડશે અને સખત મહેનત કરવી પડશે. મારે સર્જનાત્મક રહેવું પડશે અને સિનેમાની સેવા કરતા રહેવું પડશે. તે મને યાદ કરાવતું રહેશે કે અભિનય ફક્ત એક કામ નથી, તે એક જવાબદારી છે, સત્ય બતાવવાની જવાબદારી છે.’
‘હું બધાના પ્રેમ અને ભારત સરકારનો ખૂબ આભારી છું. આ સન્માન માટે હું તમારો હૃદયથી આભાર માનું છું. હું તમારા માટે મારું સિગ્નેચર સ્ટેપ કરવા માંગુ છું, પરંતુ આ સ્થિતિમાં તે શક્ય નથી. પણ કોઈ વાંધો નહીં, પોપકોર્ન તૈયાર રાખો, તૈયાર રહો, હું ટૂંક સમયમાં થિયેટરોમાં પાછો આવીશ.’ તેમણે પોસ્ટના કેપ્શનમાં લખ્યું- ‘મને રાષ્ટ્રીય પુરસ્કારથી સન્માનિત કરવા બદલ આભાર. જ્યુરી અને માહિતી અને પ્રસારણ મંત્રાલયનો આભાર… ભારત સરકારનો આ સન્માન માટે આભાર. મારા પર વરસેલા પ્રેમથી હું ખૂબ ખુશ છું.આ વીડિયોમાં, શાહરુખ ખાન તેના એક હાથમાં પાટો બાંધેલો જાવા મળે છે, જે દર્શાવે છે કે તેના હાથમાં ઈજા થઈ છે. તાજેતરમાં, એવા સમાચાર આવ્યા હતા કે શાહરુખ ‘કિંગ’ના સેટ પર ઘાયલ થયો હતો. જા કે, તેની ટીમે પુષ્ટિ આપી હતી કે સુપરસ્ટારને કિંગના સેટ પર આ ઈજા થઈ નથી, પરંતુ તે તેની જૂની ઈજાની સારવાર માટે અમેરિકા ગયો હતો.
