વડા પ્રધાન નરેન્દ્ર મોદીએ શુક્રવારે દિલ્હીના હૈદરાબાદ હાઉસ ખાતે રશિયન રાષ્ટ્ર પતિ વ્લાદિમીર પુતિન સાથે સંયુક્ત પત્રકાર પરિષદ યોજી. પત્રકાર પરિષદ દરમિયાન, પ્રધાનમંત્રી મોદીએ કહ્યું, “આજે ૨૩મા ભારત-રશિયા શિખર સંમેલનમાં રાષ્ટ્ર પતિ પુતિનનું સ્વાગત કરતાં મને આનંદ થાય છે. તેમની મુલાકાત એવા સમયે આવી રહી છે જ્યારે આપણા દ્વિપક્ષીય સંબંધો અનેક મહત્વપૂર્ણ સીમાચિહ્નોમાંથી પસાર થઈ રહ્યા છે. રાષ્ટ્ર પતિ પુતિને ૨૫ વર્ષ પહેલાં આપણી વ્યૂહાત્મક ભાગીદારીનો પાયો નાખ્યો હતો. તેમણે આ સંબંધને સતત પોષ્યો છે. તેમના નેતૃત્વએ દરેક પરિસ્થિતિમાં આપણા સંબંધોને નવી ઊંચાઈઓ પર પહોંચાડ્યા છે. હું રાષ્ટ્ર પતિ પુતિનનો તેમની ઊંડી મિત્રતા અને ભારત પ્રત્યેની અતૂટ પ્રતિબદ્ધતા બદલ આભાર વ્યક્ત કરું છું.”પ્રધાનમંત્રી મોદીએ કહ્યું, “ભારત-રશિયા મિત્રતા ધ્રુવ તારા જેવી રહી છે.” આપણો સંબંધ હંમેશા સમયની કસોટી પર ખરો ઉતર્યો છે. આજે, અમે આ પાયાને વધુ મજબૂત બનાવવા માટે સહકારના તમામ પાસાઓ પર ચર્ચા કરી. અમે ૨૦૩૦ સુધી આર્થિક સહયોગ કાર્યક્રમ પર સંમત થયા છીએ. આનાથી આપણા વેપાર અને રોકાણમાં સંતુલિત અને ટકાઉ રીતે વધારો થશે અને આપણા સહયોગમાં નવા પરિમાણો ઉમેરાશે. આપણને ભારત-રશિયા વ્યાપાર મંચમાં ભાગ લેવાની તક પણ મળશે. આનાથી આપણા વ્યાપારિક સંબંધોને નવી ગતિ મળશે. તે નિકાસ, સહ-ઉત્પાદન અને સહ-નવીનતા માટે નવા દરવાજા પણ ખોલશે.તેમણે કહ્યું, “અન્ન સુરક્ષા અને ખેડૂત કલ્યાણ માટે પણ આપણો સહયોગ મહત્વપૂર્ણ છે. બંને પક્ષો યુરિયા ઉત્પાદન પર સંયુક્ત રીતે કામ કરી રહ્યા છે. બંને દેશો વચ્ચે જાડાણ વધારવું એ મુખ્ય પ્રાથમિકતા છે. ઉર્જા સુરક્ષા ભારત-રશિયા ભાગીદારીનો એક મજબૂત અને મહત્વપૂર્ણ પાસું રહ્યું છે. અમે આ જીત-જીત સહયોગ ચાલુ રાખીશું. મહત્વપૂર્ણ ખનિજા પર અમારો સહયોગ પણ મહત્વપૂર્ણ છે. આ સ્વચ્છ ઉર્જા અને ઉચ્ચ-ટેક ઉત્પાદન ક્ષેત્રોમાં આપણી ભાગીદારીને મજબૂત બનાવશે.”વડાપ્રધાનએ કહ્યું, બંને દેશો વચ્ચે સ્નેહ અને આત્મસન્માનની લાગણી ઉભી થઈ છે. તાજેતરમાં, રશિયામાં બે નવા ભારતીય કોન્સ્યુલેટ ખોલવામાં આવ્યા હતા. આનાથી બંને દેશોના નાગરિકો વચ્ચે સંપર્ક સરળ બનશે અને નિકટતા વધશે. મને ખુશી છે કે ટૂંક સમયમાં અમે રશિયન નાગરિકો માટે મફત ૩૦-દિવસના ઇ-ટૂરિસ્ટ વિઝા અને ૩૦-દિવસના જૂથ પ્રવાસી વિઝા રજૂ કરીશું. અમે વ્યાવસાયિક શિક્ષણ, કૌશલ્ય વિકાસ અને તાલીમ પર પણ સાથે મળીને કામ કરીશું. બંને દેશોના વિદ્વાનો અને રમતવીરોનું આદાનપ્રદાન વધશે.તેમણે કહ્યું, “આજે અમે પ્રાદેશિક અને વૈશ્વિક મુદ્દાઓ પર પણ ચર્ચા કરી. યુક્રેન અંગે, અમે શરૂઆતથી જ શાંતિની હિમાયત કરી છે. આ મુદ્દાના શાંતિપૂર્ણ અને કાયમી ઉકેલ માટે કરવામાં આવી રહેલા તમામ પ્રયાસોનું અમે સ્વાગત કરીએ છીએ. ભારત હંમેશા યોગદાન આપવા તૈયાર રહ્યું છે અને આમ કરવાનું ચાલુ રાખશે.” આતંકવાદ સામેની લડાઈમાં ભારત અને રશિયા હંમેશા ખભે ખભો મિલાવીને સહયોગ કર્યો છે. ભારત દ્રઢપણે માને છે કે આતંકવાદ માનવતાના મૂલ્યો પર સીધો હુમલો છે અને તેની સામે વૈશ્વિક એકતા આપણી સૌથી મોટી તાકાત છે.પ્રધાનમંત્રી મોદીએ કહ્યું, “ભારત અને રશિયાનો સંયુક્ત રાષ્ટ્ર , જી-૨૦ બ્રિકસએસસીઓ અને અન્ય મંચો પર ગાઢ સહયોગ રહ્યો છે. ગાઢ સંકલનમાં આગળ વધીને, અમે આ બધા મંચો પર આપણો સંવાદ અને સહયોગ ચાલુ રાખીશું. મને વિશ્વાસ છે કે આવનારા સમયમાં, આપણી મિત્રતા આપણને વૈશ્વિક પડકારોનો સામનો કરવાની શક્તિ આપશે. આ વિશ્વાસ આપણા સહિયારા ભવિષ્યને વધુ સમૃદ્ધ બનાવશે.”
