કેન્દ્રીય મંત્રી જેપી નડ્ડાએ ૧૭ સપ્ટેમ્બરથી ૨ ઓક્ટોબર સુધી દેશભરમાં ૭૫,૦૦૦ આરોગ્ય શિબિરો સ્થાપવાની જાહેરાત કરી છે. ૧૭ સપ્ટેમ્બરના રોજ, પીએમ સ્વસ્થ નારી, સશક્ત પરિવાર અભિયાનનો પ્રારંભ કરશે, જેનો હેતુ આરોગ્ય સેવાઓ પૂરી પાડવાનો છે. પોષણ મહિનો તમામ આંગણવાડીઓમાં ઉજવવામાં આવશે, જેનો ઉદ્દેશ્ય પોષણ અને આરોગ્ય જાગૃતિને પ્રોત્સાહન આપવાનો છે.કેન્દ્રીય આરોગ્ય પ્રધાન જેપી નડ્ડાએ કહ્યું છે કે ૧૭ સપ્ટેમ્બરથી ૨ ઓક્ટોબર સુધી દેશમાં ૭૫,૦૦૦ આરોગ્ય શિબિરોનું આયોજન કરવામાં આવશે. એટલે કે, આ શિબિરો વડા પ્રધાન નરેન્દ્ર મોદીના જન્મદિવસથી ગાંધી જયંતિ સુધી ચાલશે. કેન્દ્રીય પ્રધાન નડ્ડાએ કહ્યું કે ૧૭ સપ્ટેમ્બરે, પીએમ મોદી ‘સ્વસ્થ નારી, સશક્ત પરિવાર અભિયાન’ શરૂ કરશે. આ અભિયાનનો ઉદ્દેશ્ય મહિલાઓ અને બાળકો માટે આરોગ્ય સેવાઓને મજબૂત બનાવવાનો છે, તેમની સારી પહોંચ, ગુણવત્તાયુક્ત સંભાળ અને જાગૃતિ સુનિશ્ચિત કરવાનો છે.કેન્દ્રીય પ્રધાને તેમની ઠ પોસ્ટમાં કહ્યું છે કે આ અભિયાન હેઠળ, દેશભરમાં ૭૫,૦૦૦ આરોગ્ય શિબિરોનું આયોજન કરવામાં આવશે. આ શિબિરો આયુષ્માન આરોગ્ય મંદિરો, સામુદાયિક આરોગ્ય કેન્દ્રો અને અન્ય આરોગ્ય સંસ્થાઓમાં યોજવામાં આવશે. આ શિબિરોમાં, મહિલાઓ અને બાળકોની ખાસ સ્વાસ્થ્ય જરૂરિયાતોને ધ્યાનમાં રાખીને સેવાઓ પૂરી પાડવામાં આવશે, જે સરકારના સમાવેશી આરોગ્ય સંભાળના સ્વપ્નને સાકાર કરશે.તેમણે કહ્યું કે આરોગ્ય શિબિરોનું આયોજન કરવા ઉપરાંત, તમામ આંગણવાડીઓમાં ‘પોષણ મહિનો’ ઉજવવામાં આવશે. તેનો ઉદ્દેશ્ય પોષણ, આરોગ્ય જાગૃતિ અને એકંદર સુખાકારીને પ્રોત્સાહન આપવાનો છે. આ પ્રયાસો સ્વસ્થ પરિવારો અને મજબૂત સમુદાયોના નિર્માણ તરફ મહત્વપૂર્ણ પગલાં લેશે.જેપી નડ્ડાએ ખાનગી હોસ્પિટલોને પણ આ અભિયાનમાં જાડાવા અપીલ કરી છે. તેમણે કહ્યું, ‘હું બધી ખાનગી હોસ્પિટલો અને આરોગ્ય ક્ષેત્રના ભાગીદારોને આગળ આવવા અને આ જનભાગીદારી અભિયાનનો અભિન્ન ભાગ બનવા વિનંતી કરું છું. ‘ઇન્ડિયા ફર્સ્ટ’ ની ભાવનાથી પ્રેરિત થઈને, ચાલો આપણે બધા એક વિકસિત ભારત બનાવવા માટે આપણા સામૂહિક પ્રયાસોને મજબૂત બનાવીએ.
