પાપુઆ ન્યુ ગિની ભૂસ્ખલનઃ ઓસ્ટ્રેલિયન મીડિયા અહેવાલો અનુસાર,મોડી રાત્રે પાપુઆ ન્યુ ગિનીના પર્વતીય વિસ્તારમાં ભૂસ્ખલનમાં ઓછામાં ઓછા ૨૧ લોકો માર્યા ગયા છે. ઓસ્ટ્રેલિયન બ્રોડકાસ્ટિંગ કોર્પોરેશને પોલીસને ટાંકીને જણાવ્યું હતું કે ગઈકાલે મોડી રાત્રે ૨ વાગ્યાની આસપાસ થયેલા ભૂસ્ખલનને કારણે એન્ગા પ્રાંતના કુકાસ ગામમાં ઘણા ઘરો નાશ પામ્યા છે.એન્ગા પ્રાંતના ગવર્નર પીટર ઇપાટાસે એબીસીને જણાવ્યું હતું કે સ્થાનિક લોકોએ લગભગ ૩૦ લોકોના મોતની જાણ કરી હતી, જેમાંથી ૧૮ લોકોના મૃતદેહ મળી આવ્યા છે. પોલીસનું કહેવું છે કે અત્યાર સુધીમાં ૨૧ લોકોના મોતની પુષ્ટિ થઈ છે. એસોસિએટેડ પ્રેસ શુક્રવારે ઇપાટાસ અને એન્ગામાં વાબાગ પોલીસ સ્ટેશનનો સંપર્ક કરી શક્્યું ન હતું. પાપુઆ ન્યુ ગિની માટે યુએનના માનવતાવાદી સલાહકાર મેટ બાગોસીએ ટિપ્પણી માટેની વિનંતીનો તાત્કાલિક જવાબ આપ્યો ન હતો. યુએનના અંદાજ મુજબ, ગયા મે મહિનામાં એન્ગામાં ભૂસ્ખલનમાં લગભગ ૬૭૦ ગ્રામજનો મૃત્યુ પામ્યા હતા.પાપુઆ ન્યુ ગિની એક વૈવિધ્યસભર વિકાસશીલ દેશ છે, જેમાં ૮૦૦ થી વધુ ભાષાઓ બોલાય છે. અહીં મોટાભાગના લોકો ખેતી દ્વારા પોતાનું ગુજરાન ચલાવે છે. પાપુઆ ન્યુ ગિનીમાં ૧૦ મિલિયનની વસ્તી છે, જે તેને ઓસ્ટ્રેલિયા પછી બીજા ક્રમનું સૌથી વધુ વસ્તી ધરાવતું દક્ષિણ પેસિફિક રાષ્ટ્ર બનાવે છે, જેની વસ્તી ૨૭ મિલિયન છે.
