પાકિસ્તાન અને અફઘાનિસ્તાન પાડોશી દેશો છે, પરંતુ હાલમાં તેમના સંબંધો તણાવપૂર્ણ પરિસ્થિતિમાંથી પસાર થઈ રહ્યા છે. પાકિસ્તાને હવાઈ હુમલો કર્યો, જેના કારણે અફઘાનિસ્તાનને નોંધપાત્ર નુકસાન થયું. ઉર્ગુન જિલ્લામાં પાકિસ્તાની હુમલામાં ત્રણ સ્થાનિક ક્રિકેટરો માર્યા ગયા. આ પછી, અફઘાનિસ્તાને એક મોટું પગલું ભર્યું છે અને પાકિસ્તાનની ધરતી પર યોજાનારી ત્રિકોણીય શ્રેણીમાંથી ખસી ગયું છે, જેનાથી પાકિસ્તાનને મોટો ફટકો પડ્યો છે.અફઘાનિસ્તાન ક્રિકેટ બોર્ડે સોશિયલ મીડિયા પ્લેટફોર્મ ઠ પર જણાવ્યું હતું કે એસીબી ઉર્ગુન જિલ્લાના બહાદુર ક્રિકેટરો (કબીર, સિબગતુલ્લાહ અને હારૂન) ની દુઃખદ શહીદી પર ખૂબ જ દુઃખ વ્યક્ત કરે છે, જેમને આજે સાંજે પાકિસ્તાની શાસન દ્વારા કરવામાં આવેલા કાયરતાપૂર્ણ હુમલામાં નિશાન બનાવવામાં આવ્યા હતા. આ ખેલાડીઓ સાથે પાંચ અન્ય લોકો માર્યા ગયા હતા, જ્યારે સાત અન્ય ઘાયલ થયા હતા. ખેલાડીઓ એક મૈત્રીપૂર્ણ મેચમાં ભાગ લેવા માટે શરણામાં ગયા હતા. ઉર્ગુન પરત ફર્યા બાદ તેમને નિશાન બનાવવામાં આવ્યા હતા.અફઘાનિસ્તાન ક્રિકેટ બોર્ડે જણાવ્યું હતું કે તે આ કૃત્યને તેના ખેલાડીઓ અને ક્રિકેટ સમુદાય માટે મોટું નુકસાન માને છે. તે શોકગ્રસ્ત પરિવારો પ્રત્યે ઊંડી સંવેદના અને એકતા પણ વ્યક્ત કરે છે. આ ઘટના બાદ ત્રિકોણીય શ્રેણીમાંથી ખસી જવાનો નિર્ણય લેવામાં આવ્યો હતો.પાકિસ્તાનની ભૂમિ પર યોજાનારી ત્રિકોણીય શ્રેણીમાં અફઘાનિસ્તાન, શ્રીલંકા અને પાકિસ્તાન ભાગ લેવાના હતા. જા કે, અફઘાનિસ્તાનના ખસી જવાથી આ શ્રેણી એક મોટા સંકટમાં ધકેલાઈ ગઈ છે, જેના કારણે તે વધુને વધુ અસંભવિત બની ગઈ છે. ત્રિકોણીય શ્રેણીની પહેલી બે મેચ રાવલપિંડીમાં અને બાકીની મેચો, જેમાં ફાઇનલનો સમાવેશ થાય છે, લાહોરમાં રમવાની હતી. ત્રિકોણીય શ્રેણીમાં અફઘાનિસ્તાનની પહેલી મેચ ૧૭ નવેમ્બરે પાકિસ્તાન સામે રમવાની હતી. ત્યારબાદ ૧૯ નવેમ્બરે શ્રીલંકા સામે અને ૨૩ નવેમ્બરે પાકિસ્તાન સામે બીજી મેચ રમવાની હતી. શ્રીલંકા સામે પણ ૨૫ નવેમ્બરે મેચ રમવાની હતી.
