(એ.આર.એલ),ઈસ્લામાબાદ.તા.૭
પાકિસ્તાની સેનાએ ક્યારેય જાહેરમાં અને સત્તાવાર રીતે કારગિલ યુદ્ધમાં તેની સીધી સંડોવણીનો સ્વીકાર કર્યો નથી. ૧૯૯૯માં જ્યારે યુદ્ધ ફાટી નીકળ્યું ત્યારે ઈસ્લામાબાદે સીધી લશ્કરી સંડોવણીનો ખુલ્લેઆમ સ્વીકાર કર્યો ન હતો.
પાકિસ્તાનના આર્મી ચીફ જનરલ અસીમ મુનીરે પોતાના સંરક્ષણ દિવસના ભાષણમાં જણાવ્યું હતું કે, “તે ૧૯૪૮,૧૯૬૫,૧૯૭૧ હોય કે ભારત અને પાકિસ્તાન વચ્ચેનું કારગિલ યુદ્ધ હોય, અથવા સિયાચીન, તેમાં ઘણાં લોકોએ પોતાનો જીવ આપ્યો છે.”
પાકિસ્તાની સેનાએ ક્યારેય જાહેરમાં અને સત્તાવાર રીતે કારગિલ યુદ્ધમાં તેની સીધી સંડોવણીનો સ્વીકાર કર્યો નથી. જ્યારે ૧૯૯૯ માં યુદ્ધ ફાટી નીકળ્યું, ત્યારે ઈસ્લામાબાદે ખુલ્લેઆમ સીધી લશ્કરી સંડોવણીનો સ્વીકાર કર્યો ન હતો. ઘણી વખત ઘૂસણખોરોને “કાશ્મીરી સ્વતંત્રતા સેનાની” અથવા “મુજાહિદ્દીન” તરીકે ઓળખાવતા હતા. પાકિસ્તાની દળો ‘સક્રિયપણે પેટ્રોલિંગ’ કરી રહ્યાં હતાં જ્યારે “આદિવાસી નેતાઓ” ઊંચાઈ પર કબજા કરી રહ્યાં હતાં.પાકિસ્તાનમાં ભૂતપૂર્વ ભારતીય હાઈ કમિશનર અજય બિસારિયાએ કહ્યું, “તે સારી રીતે સ્વીકારવામાં આવે છે કે કારગિલ દુઃસાહસથી પાકિસ્તાનને મદદ મળી ન હતી અને તે મુશર્રફની મૂર્ખતા હતી, જે તેના અને ચાર જનરલોના જૂથ દ્વારા કરવામાં આવી હતી. નવાઝ શરીફે ખુલ્લેઆમ તેની ટીકા કરી છે.”આ પહેલાં માત્ર પૂર્વ અધિકારીઓએ જ યુદ્ધમાં પાકિસ્તાની સેનાની ભૂમિકા સ્વીકારી છે. તેમાં લેફ્ટનન્ટ જનરલ શાહિદ અઝીઝનો સમાવેશ થાય છે જેમણે કારગીલમાં નિયમિત પાકિસ્તાની સૈનિકોની ભૂમિકા વિશે ખુલીને વાત કરી હતી.અઝીઝે આ ઓપરેશનને “ફોર-મેન શો” તરીકે વર્ણવ્યું હતું, જે અન્ય લશ્કરી કમાન્ડરોથી ગુપ્ત રાખવામાં આવ્યું હતું. તેમના મતે, માત્ર જનરલ પરવેઝ મુશર્રફ, ચીફ ઓફ જનરલ સ્ટાફ લેફ્ટનન્ટ જનરલ મોહમ્મદ અઝીઝ, ફોર્સ કમાન્ડ નોર્ધન એરિયા કમાન્ડર લેફ્ટનન્ટ જનરલ જાવેદ હસન અને ૧૦ -કોર્પ્સના કમાન્ડર લેફ્ટનન્ટ જનરલ મહમૂદ અહેમદને કારગીલ ઓપરેશનની જાણકારી હતી.
